Fietsryer doodgeskiet vir fiets

Gert Vermeulen en sy vrou, Ineke. (Foto: Facebook)

Die polisie soek nog na die verdagtes wat ʼn 57-jarigie fietsryer van Centurion Saterdagoggend doodgeskiet het.

Gert Vermeulen en twee ander fietsryers is omstreeks 08:00 die oggend deur vyf onbekende mans oorval terwyl hulle fiets gery het. “Die verdagtes het skote op die slagoffer [Vermeulen] afgevuur en hom toe van sy fiets beroof, voordat hulle van die toneel gevlug het,” het lt.kol. Mavela Masondo Sondag gesê.

Vermeulen is stigterslid van die organisasie Believers on Motorbikes (Bomb) in Centurion, wat fietse bou en aan minder bevoorregtes skenk.

Die voorval het op ʼn fietsroete naby Olievenhoutbosch, ʼn informele nedersetting net langs Centurion, plaasgevind.

ʼn Saak van moord en roof word ondersoek. “Die polisie vra dat enigiemand met inligting wat kan help om die verdagtes vas te trek, hul naaste polisiestasie, of die misdaadnommer 08600 10111 kontak.”

Medelye vir Vermeulen en sy gesin het intussen op Facebook ingestroom. “My wonderlike swaer Gert Vermeulen, jy was die rots in ons familie. Ons sal altyd lief bly vir jou. Dink asseblief aan my sus Ineke Vermeulen en die seuns in hierdie donker tyd,” het Jackie Bedeker Saterdag op Facebook geskryf.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

22 Kommentare

jongste oudste gewildste
Windhond

Hy bou en gee fietse vir die minder bevoorregtes en dan kom roof en vermoor daardie selfde minder bevoorregtes hom – siek siek siek is dit die moeite werd om nog te probeer help?

Dries

Gee jou pinkie en hulle vat jou lewe

Johann

Die boosheid loop tussen ons rond, sonder vermomming

Blomme

Ai ai! Ons land is regtig verrot van bo af! Baie jammer vir die naasbestaandes. Tog so onnodig!

AW

So so Onnodig !!