Fietsryer kritiek ná tref-en-trap-voorval

Argieffoto: ER24

Argieffoto: ER24

ʼn Man, vermoedelik in sy laat 20’s, is in ʼn kritieke toestand na ʼn hospitaal geneem nadat hy Sondag in ʼn beweerde tref-en-trap-voorval buite Potchefstroom in Noordwes beseer is.

Russel Meiring, woordvoerder van ER24, het gesê die voorval het op die Viljoenskroon-pad buite die dorp plaasgevind.

“ʼn Gemeenskapslid het nooddienste na die toneel ontbied. Met paramedici se aankoms is die fietsryer aan die kant van die pad, langs sy fiets, aangetref,” het Meiring gesê.

“Die man is ondersoek en vir verskeie kritieke beserings op die toneel behandel. Hy is met ʼn ambulans na ʼn hospitaal in Potchefstroom geneem vir verdere behandeling.”

Meiring het gesê nóg die voertuig wat die fietsryer vermoedelik getref het nóg die bestuurder daarvan was op die toneel. Die fietsryer is deur ʼn verbyganger in die middel van die pad aangetref en na veiligheid verskuif voor nooddienste ontbied is.

Die polisie ondersoek die voorval.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
vermeende

Beweerde.

Maroela hoekom is dit n beweerde tref en trap as voetgangers en fietse voorang op ons paaie geniet of beweer julle dat die man teen n boom vas gery het en met sy fiets daar langs die pad gaan le het?

PTA

Ongeduldige, ongelesensieerde bestuurder.

.oor

Gaan my verstand te bowe dat jy iemand kan raak ry en net weg ry. Wat se soort mens is dit. Ek moet liewers nie vra nie

wilma

Ek ry net aan want ek het gn balls. Lafaards. Ma selle as moordenaars

Doodstraf

Bring die doodstraf terug, ook vir tref en trappers.