ʼn Man, glo in sy 30’s, is Dinsdagoggend dood toe hy op die R554 in Eikenhof, suid van Johannesburg, van sy fiets afgestamp is.
“Die man het leweloos langs die pad, ʼn paar meter van sy fiets af, gelê,” het Russel Meiring, woordvoerder van ER24, gesê. Die man het reeds aan sy beserings beswyk voor paramedici by die toneel opgedaag het. “Hy is op die toneel dood verklaar.”
Die bestuurder van die ligtemotorvoertuig, wat ook in die ongeluk betrokke was, het geringe beserings opgedoen. “Paramedici het hom behandel voor hy na ʼn nabygeleë hospitaal geneem is vir verdere behandeling.”
Plaaslike owerhede ondersoek die oorsaak van die ongeluk.
Sterkte aan die familie van fietsrye. Dis is tragies dat hy so aan sy einde moet kom.
Hoop die bestuurder word vir jare toegesluit sodat hy bietjie kan dink oor hoe “aaklig” fietsryers op die pad is.
5de fietsryer vanaf saterdag 6 Feb waarvan ek weet.
Sjoe, maar die fiets ongelukke neem skielik toe die afgelope paar dae. Dit kom amper voor of daar ‘n patroon van teiken is of misgis ek my nou hier en dit net aan blote ongelukke toegeskryf kan word. Alle simpatie en meegevoel aan die families en vriende met jul groot verlies.