Fietsryer sterf, motoris aangekeer vir ‘dronkbestuur’

‘n Fietsryer is dood en nog een beseer. (Foto: @BOSBEER2006/Twitter)

ʼn Fietsryer is dood en nog een beseer nadat ʼn vermeende dronkbestuurder Sondag op die Weskuspad glo in hulle ingeploeg het.

Sers. Noloyiso Rwexana, polisiewoordvoerder, het gesê sake van strafbare manslag en dronkbestuur is vir ondersoek aanhangig gemaak.

Volgens inligting het die BMW omstreeks 07:45 teen die twee fietsryers vasgery.

“ʼn 38-jarige man het aan sy beserings beswyk en ʼn 55-jarige man is na ʼn nabygeleë mediese fasiliteit geneem,” het Rwexana gesê.

Die 28-jarige bestuurder van die BMW is in hegtenis geneem.

Hy sal so gou moontlik in die Atlantis-landdroshof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Phil

Dis mansslag deur n dronkie wat in hul ingeploeg het!! Mag die waarheid seevier!

Anel

Ek sou sê dis gewoon moord. Dronkbestuur is moord.

Jaco

Ek dink tyd het aan gebreek vir strenger reels as dit kom by die koop van drank. En dat groter boetes gegee word vir mense wat ongelukke maak onder die invloed van drank.

Adam Adriaan

Sy tanne het seker geswem in die wyn

Sarel

Jammer hy het nie ‘n Porche gery nie dan kan hy vrygespreek word.