Finansies-waarborg vir Statebondspele gefinaliseer

Statebondspele, Durban 2022 (Grafika: Durban-2022.com)

Statebondspele, Durban 2022 (Grafika: Durban-2022.com)

Die minister van sport en ontspanning het Saterdag bevestig die finansies-waarborg om die 2022 Statebondspele in Durban te hou, is gefinaliseer.

Die ministerie is glo oorval deur vra oor die status van die spele.

“Ons het deurlopend daarop gewys dat die Suid-Afrikaanse regering toegewyd is om die spele aan te bied,” het minister Fikile Mbalula Saterdag gesê. “Ons het ook daarop gewys dat die regering betrokke is in ʼn proses om die finansies-waarborg te verseker. Ons kan nou bevestig dat dié proses afgehandel is.”

Volgens Mbalula het ʼn fiskale aanspreeklikheidskomitee en die nasionale tesourie alle faktore in ag geneem en oorweeg.

Finansies-minister Pravin Gordhan het die waarborg onderteken vir die Statebondspele-federasie. “Dit baan die weg vir ʼn interministeriële komitee oor die spele,” het Mbalula bygevoeg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

11 Kommentare

jongste oudste gewildste
Theuns

Nou krabbel hy terug. Kom ons vra ons atlete, deelnemers en die publiek om die spele in al sy fasette te boikot!

cobusp

Ons minister van sport se kop kap aan……..net n paar weke terug het hy sekere sportsoorte gebiokot ingesluit die aanbieding van internasionale byeenkomstes in sa. En nou keur hy die ststebondspele goed waaronder atletiek deel is……….eish minister jy is confused………….jy is die mapara van die maand…..

Will i am

Boikot die spele. Nou dat dit hom pas mag dit aangebied word.

christine

Ai oor ses jaar dan is die land lang terug moegeploeg en omgeploeg.

Nic

Agbare minister, jy hou jou besig met twak soos kastige transformasie, in plaas van jou werk te doen en toe te sien dat die finansiering wat al ‘n jaar gelede in plelk moes wees, gedoen is! Net so terloops, wonder ek mos nou hoeveel het Danny en kie jou betaal om Sokker van die transformasie lys af te hou. Hulle kon $10,000,000 betaal vir 2010………….