Fitch bevestig SA se rommelstatus

finansies-geld-sente-rand-beleggings

Foto: Stevepb/Pixabay.com

Die regering het Vrydag gesê dat hy die kredietgraderingsagentskap Fitch se assessering van uitdagings wat die land in die gesig staar erken, maar in dieselfde asem bygevoeg dat ʼn tasbare proses om beleggersvertroue in die land ʼn hupstoot te gee onderweg is.

Fitch het Vrydag Suid-Afrika se BB+, oftewel rommelstatusgradering, bevestig. Die agentskap het gesê dié besluit is geneem met oorweging van die finansiële uitdagings by sleutel staatsinstellings asook die feit dat regeringskuld nog nie gestabiliseer het nie.

Fitch het wel gesê daar is tekens van herstellende regeringstandaarde en die vooruitsig van ʼn matige sikliese herstel.

Die nasionale tesourie het in ʼn verklaring gesê dat die voltooiing van noodsaaklike beleid soos die Mynhandves belangrik bly om beleidsekerheid in die land te verskaf.

“Verder word daar verwag dat die onlangse veranderinge in die regering, in noodsaaklike staatsinstellings en die 2018-begroting waarin daar beslissende en spesifieke beleidsmaatreëls ingestel is om die fiskale raamwerk te versterk die beleggersklimaat in Suid-Afrika sal verbeter,” lui die verklaring.

Die tesourie het bygevoeg dat die regering planne vir inklusiewe groei prioritiseer.

“Samewerking met die regering, sakelui, arbeid en die burgerlike samelewing lewer steeds die nodige intervensies op om Suid-Afrika as ʼn aantreklike beleggingsbestemming te posisioneer en terselfdertyd ʼn bemagtigende beleidsomgewing vir inklusiewe ekonomiese groei te skep.”

Die kredietgraderingsagentskap S&P Global het Suid-Afrika in November tot volle rommelstatus afgegradeer terwyl Moody’s die land op hersiening vir ʼn afgradering geplaas het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

36 Kommentare

jongste oudste gewildste
Johanna Botha

Sal maar sien of SA ooit herstel van junk as almal staak en daar nie werk is vir mense …en die wat belasting betaal niks kry en almal omveilg voel !

Peet van Breda

Rommel status kan ook toegeken word aan ons parlement, polisie,hospitale onderwys en universiteite sowel as die weermag, verkeers dienste, sport en landelike beveiliging.

HPV

Die huidige regime het hard gewerk om ‘n eens sterk ekonomie tot rommelstatus te regeer! Nou staan hulle grootoog bakhand en wonder waar is die ekonomie heen, waar is die skole heen, waar is alles wat was heen?

Neels

Ai mnr Ramaposha al you mooi en dwars praatjies en beloftes het net mooi niks gehelp nie. Weet nie wat gaan julle nog probeer voorhou aan die wereld nie. Al raad wat ek vir julle het kry n koaliesie regering want blykbaa sot dit nie in die ANC se pype om die ekonomie optectel nie. Jy miskien maar nie met jou meelopers en andere nie . Kan maar net se sterkte

Elred Ferreira

Rommel land….Rommel regering….Rommel onderwys stelsel….Rommel gesondheids sorg….Rommel sokkerspan….uiteindelik sal alles rommel word,selfs die rugbyspan!