Fitch sien nie lig in SA tonnel

(Argieffoto: Reuters/Reinhard Krause/ANA)

Die Suid-Afrikaanse regering het Vrydag gesê hy neem kennis van die Fitch-graderingsagentskap se besluit om die vooruitsig vir die land se kredietgradering van stabiel na negatief te verander.

Fitch het reeds Suid-Afrika se staatskuld as laer as beleggingsgraad gegradeer en het dié gradering onveranderd op BB+ gehou. Die graderingsagentskap het gesê die toenemende begrotingstekort weens laer BBP-groei en verhoogde besteding, insluitend die regering se finansiële reddingsboeie aan sy eie staatsinstansies, veral Eskom, skep kommer oor die land se ekonomiese groeipotensiaal.

Fitch se verandering in sy vooruitsig is slegte nuus vir Suid-Afrika wat desperaat probeer om beleggers na die land te lok. Hoewel Fitch Suid-Afrika se kredietgradering onveranderd gelaat het, is ʼn afgradering in vooruitsig dikwels ʼn voorloper tot ʼn kredietafgradering.

Die nasionale tesourie het in ʼn verklaring gesê die regering is bewus van die druk en risiko’s wat staatsinstansies, en veral Eskom, op die land se fiskale raamwerk plaas.

“Die regering probeer dringend om Eskom te stabiliseer en ʼn langtermynstrategie vir die toekoms te bewerkstellig. Die regering sal moeilike besluite moet neem om die land se skuldtrajek om te draai en die vooruitsigte vir ekonomiese groei te verbeter.”

Die tesourie het daarop gewys dat Fitch kennis geneem het van die regering se pogings om ekonomiese groei deur middel van beleggingsveldtogte aan te wakker, asook maatreëls om infrastruktuurbelegging te versnel, vervoer- en telekommunikasiekoste te verminder en visumregulasies aan te pas om toerisme ʼn hupstoot te gee.

“Soos die minister van finansies in die spesiale toedelingswetsontwerp bekendgemaak het, het ʼn span wat deur die direkteurs-generaal van die nasionale tesourie en openbare ondernemings gelei word, ʼn aantal opsies oorweeg as oplossing vir Eskom se skuldlas om volhoubaarheid te verseker.”

Tito Mboweni, minister van finansies, het vroeër vandeesweek aangekondig dat die regering ʼn bykomende reddingsboei van R26 miljard aan Eskom sal toestaan. Dié bedrag is bykomend tot die ekstra R69 miljard oor drie jaar (en dus bykomend tot die ekstra R23 miljard vanjaar) wat van die belastingbetaler verhaal word om Eskom aan die gang te hou.

Benewens daardie ekstra R69 miljard oor drie jaar gaan daar ook ʼn bykomende R33 miljard benodig word in die volgende geldjaar (2020-’21) wat van die belastingbetaler en deur bykomende staatslenings gefinansier sal moet word.

Mboweni het erken Eskom is die grootste risiko vir Suid-Afrika se fiskale raamwerk, en dat die hele stelsel inmekaar sal stort as Eskom sink.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

50 Kommentare

Werner ·

Nie gedink hulle gaan wakker skrik nie sou dit al lankal gedoen het

Gert van Wierdapark ·

Neem kennis van Fitch se syfers, maar stem nie saam met die BBP se groei nie want die “Baie Belangrike Persone” op die Soustrein word net al hoe meer = niemand wil skynbaar afklim en die trein se Fluit- Fluit, my trein-storie is uit, Blaas nie!

James ·

Te laat die skip het te veel gate. Het begin sink. Daar is n BEE gat, korrupsie gat, wetteloosheid gat, onteining gat wat nou gemaak word en so kan ek aangaan.

Willie ·

Dan sien hulle nog kan vir die nasionale gesondheids stelsel! Wat ñ groot gat is dit nie! Mamparras!

Uiteindelik ·

So gaan dit in n land met een regerende party, maar twee regerings , een wat afbreek en korrup is en een wat probeer opbou!

Hettie ·

Wag tot die grondkwessie begin dan val ons in die asdrom !

Ander Koos ·

Wel, ten minste is Fitch meer in pas met die werklikheid as Moody’s

Trol ·

Wha ha ha ha ha ha ha. Soveel vir vertroue in die land se ekonomie met grondgryp in die vooruitsig. Wha ha ha ha ha. Ek hoop die eier was darem eetbaar.

Is die ANC darem nou tevrede? ·

Defnitief geen lig nie. Die duisternis is nie net as gevolg van Eskom se ellendigheid nie. So lyk 25 jaar se korrupsie. Viva ANC. Julle is ‘n reuse sukses – SA blyk ten volle gedekolonialiseer.

Johan ·

Dit het die ontplooide kaders minder as 15 jaar geneem om ESKOM van ‘n 40% oor-voorsiening in kapasiteit in 1994 af te bestuur tot waar hy vandag is. Dink dieselfde lot nou werklik hulle kan die gemors omdraai?

Nel ·

Die ANC se denkrigting sal eers omgedraai moet word alvorens daar enige sprake van verandering ten goede kan plaasvind.

Jason ·

Nou ja, daar het ons dit. Ek kan eerlikwaar nie insien dat ons met als wat tot dusver verkeerd geloop het enigsins ‘n ommeswaai kan maak. Dit sal JARE en JARE se verantwoordelike bestuur/leierskap kos om die skade te begin herstel. Kortom, dit gaan niks mindr as ‘n wonderwerk verg om ons uit hierdie genors te kry. En ons WEET wat die kanse daarop is… Solank leierskap ontbreek en korrupsie hooggety vier, kan hul maar aanhou miljarde in staatsinstellings inpomp, dit gaan NIKS help.

Genadiglik is ek en my gesin oppad landuit na beter heenkome. My hart is seer dat ek my geliefde land moet agterlaat, maar my vrou en kinders kom eerste en hul verdien beter as die ashoop wat ons SA noem.

Stormjaars ·

Julle is so gelukig om uit hierdie helwoolvan n asdrom land te kan weg kom. Ek soek ook al vir uitkoms. Maar sover is daar geen hoop dat ek dit kan doen sonder om vir asiel te vra nie. Mag julle n baie beter lewe he.

Sê maar net ·

…..en die gravy-trein kom met ‘n gekners tot stilstand. En hulle vra: maar hoékom?? Hyt dan vir 25 djaar so lekka geloop??

jaco ·

Ryk wit mense sit in gerieflike eerste wêreld lande en gradeer arm meestal nie-wit derde wêreldlande af as daardie lande se ekonomieë nie presies soos eerste wêreldlande bedryf word nie. Dit lyk vir my maar baie na rassisme.
Wat daardie afgradeerders ook vergeet is dat hulle afgradering seker in ‘n mate ‘n derde wêreldland se regering straf, maar weens korrupsie ens is daardie politici so ryk dat die “straf” nie eintlik gevoel word nie. Dis eerder daardie derde wêreldlande se gewone mense wat swaarkry onder pryse van voedsel wat net styg en styg.

Devill ·

Maw 25 jaar so konstante korrupsie, diefstal, swak bestuur, afbreek, lieg stories, en onbevoegdheid het niks te doen met die afgradering nie?
Nee! Volgens jou MOET die net haatvolle rassime wees vir die afgrafering…wat op aarde is verkeerd met jou!?

Sneeuflokkies ·

as die arm(meestal nie wit) lande, dalk hulle ekonomie en land reg bestuur, sou hulle nie buitelandse investering(lees hulp) so erg benodig het nie, en dan het die graderings opinies van ryk (meestal wit) mense mos nie saak gemaak nie….. maar solank as wat ‘snowflakes’ algemene wanbestuur goedkeur en goeddink(deur aanhoudend vir wannestuur te stem)… doen hulle hulself(en arm nie wit lande) baie meer skade aan as goed….

fred ·

vir jare het dieselfde ANC slim kaders geskep en stilgebly en nou moet dieselfde klomp die ekonomie red?
Kyk na Zim,hulle het ook gedenk die land sal vinnig floreer na Mugabe sy vertrek….
Met so n skuldlas,BEE, onproduktiewe werkers en militante vakbonde gaan dit nie vinnig gebeur…en die ANC sal ook nie massale afleggings toelaat nie.
Die skip lek,is stuurloos op pad na die ysberge…

Positief ·

Ek is so moeg vir die negatiewe kommentaar op MM. Suid-Afrika is ‘n fantastiese land. Alles behalwe ‘n helhool. Daar is baie probleme, en baie ernstige probleme, maar die mooi wen altyd en daar is soveel meer mooi in hierdie land. Ek geniet Suid-Afrika, sy mense en diversiteit. Ek kan emigreer, maar WIL nie. Jammer vir die mense wat dit sien as ‘n helhool… Spandeer bietjie ‘n winter in die UK of Kanada of ‘n somer in sekere dele Australië dan praat ons weer oor ‘n helhool. Die mense wat so wens om te emigreer is die wat nie kan gaan nie, baie van die wat kan gaan wil nie. En die wat gaan het dikwels goeie rede om te gaan bv. geen werk of bly is stede vol misdaad. Ek bly net hier, tussen my mense in sonnige Suid-Afrika. Hier is my hart vol en gelukkig!

Dobbelsteen ·

Dit wil vir my voorkom asof iemand ‘n First Class Cabin op die Titanic het.

Kobus ·

Positief, hoe dink jy gaan die land lyk oor 10 jaar, of nog erger oor 20 jaar? Indien jy kan, pak jou tasse en gaan.

Boer-in-die-Wind ·

@Positief
En ek is so moeg vir die ontkenners. (Gewoonlik die wat nog die die realiteite van die nuwe SA aan hul eie lywe gevoel het nie.)

En nee, Suid-Afrika was ‘n fantasiese land.

En ek het ‘n winter in Maine en ‘n somer in Texas deurgebring en ek dink nog steeds SA is ‘n helhool.

Jou stelling: “Hier is my hart vol en gelukkig!” Hoe kry jy dit reg? Persoonlik kon ek myself nie afsluit van die daaglikse boosheid wat op alle vlakke van die samelewing in die land plaasvind nie.

Oorlaai ·

57 moorde per dag, kom ons wees positief. NHI wat mediese sorg in SA gaan vernietig, wees net positief. Pensioenfondse in die ANC se visier, positiwiteit is al wat nodig is. Grondonteiening wat voorlê, eiendomdreg in gedrang, so positief daaroor. Grootskaalse werksverliese reeds besig om te gebeur, maar ons is nog positief, want ons het lekker winters, gematigde somers, die blou see, mooi berge en valleie en ons kan Saterdag weer braai.
As julle my soek, roep net hard want my kop is in die sand.

De Villiers ·

Daar kan NOOIT ekonomiese groeivooruitsigte wees as die ANC dink dat hulle beleggingsveldtogte loots, maar steeds swak leierseienskappe toon deur aan te hou met ondeurdagte uitsprake, grondonteiening sonder vergoeding probeer bevorder, nie korrupsie en ons hoë misdaadsyfer behoorlik aanspreek nie, ń werkgewer-onvriendelike arbeidswet het, waar die regte van werkers meer is as werkgewers, te hoë minimum loon geïmplimenteer het, te hoë salarispakkette vir staatsamptenare in senior posisies, nie persoonlik optree teen diegene wat agterstallig is op hul water- en elektrisiteitsrekeninge nie (soos Soweto), MENSEREGTE (meer vir die misdadiger as vir die slagoffer) ens…. Die ANC en EFF se kiesers en FW de Ja-stemmers hou ek dus ook verantwoordelik vir die land se swak ekonomie. Steeds soek die ANC die oorsake op ander plekke. Siende blind.

Eunice ·

POSSITIEF…ék stem 100% saam met jou!
ONgeag wát of wié ookal,wát sê en dit wat regtig aangaan…mý God Ís en Blý in beheer!!
EK sal nié vrees nié,ék sal nié dood of negatiwiteit spreek nié, want DÍT gaan ons nêrens bring of op ñ beter plek sit nié!!
Dié PRAGTIGE SONSKYNLAND behoort aan Hom en Hom Alleen!!
SHALOM!!

Petrus ·

Div, jy kan vir FW en die Ja stemmers blameer tot jy blou is. Die land was in 1990 al tegnies bankkrot. Buitelandse skuld was buite beheer, inflasie was met tye meer as 15% en die bankkoers 26%. Indien FW nou nog president was, het ek en jy en al die ander witmans hier nege maande van die jaar militêre diens verrig om die swartes te beheer en buurlande uit te hou. Niemand sou gewerk het nie, en hier sou niks gewees het om te beskerm nie. Wat wel waar is, is dat die wittes nie opgewasse was vir die ANC se onderhandelaars nie. Kodesa was oorhaastig gedoen en nou sit ons met die gebakte pere. Maar nou ja, ons weet waarmee was Frikkie besig, en dit was alles behalwe onderhandelinge. Hou op kla en kom met voorstelle om sake reg te ruk.

Anka le Roux ·

Dis nie net hulle wat nie lig in daai swart tonnel sien nie….

ne ·

Nou hoekom is ek nie verbaas nie? Die soustrein loop mos nog. Die belastingbetalers betaal mos nog!

Eunice ·

POSSITIEF…ék stem 100% saam met jou!
ONgeag wát of wié ookal,wát sê en dit wat regtig aangaan…mý God Ís en Blý in beheer!!
EK sal nié vrees nié,ék sal nié dood of negatiwiteit spreek nié, want DÍT gaan ons nêrens bring of op ñ beter plek sit nié!!
Dié PRAGTIGE SONSKYNLAND behoort aan Hom en Hom Alleen!!
SHALOM!!

humor ·

Positief dit is alles waar wat jy se. Die mooi blou berge, eindelose ruimtes, die skone natuur, die diversiteit van die land ens. maar ons kan dit nie eet nie, en dit is eintlik nie meer ons sn nie. Die sosialisties kommunistiese staat gaan dit vat sonder vergoeding. En die massa korupsie, kriminaliteit, onbeheersde misdaad, onbevoegdheid en rassisme besoedel alles.

Griet ·

Inderdaad HUMOR…inderdaad!
DÍT wát jý spreek,oor JOUsélf en oor jou land,DÍT sál JOU déél wees…
DOOD EN LEWE,ÍS ÍN DÍE MAG VAN DÍE TONG

Piet ·

Griet, ek dink jy is verkeerd oor hierdie wonderlike SA van jou…..maar ek hoop jy is reg en ek verkeerd

Griet ·

Jý is vry,om te dink en te glo,net wát jy WÍL Piet…
Ék hou vas aan Vlerke van GELOOF

Pieter ·

Griet,
Gaan drink net ‘n verfrissende slukkie water van die Sesmylspruit en ons kyk hoe lank leef jy. Die hele lyk is op dieselfde glybaan as die water in ons riviere.

Griet ·

Jý is vry,om te dink en te glo,net wát jy WÍL Piet…
Ék hou vas aan Vlerke van GELOOF

marous ·

Kimberly se gat gaan soos ‘n “Pothole” lyk in vergelyking wat kom .

LHS ·

Sit ek vanoggend en uitkyk na die wonderlike sonsopkoms deur die ekstra versterkte diefwering voor my vensters, vanagter die 2m elektriese stelsel omheining en voel ongelooflik positief oor die land, veral toe ek lees dat ons ekonomie nou negatief aangedui word, fantasties, negatief is beter as niks. Kom mense ons is mos positief, voort na voorspoed, veiligheid en geluk…….vanuit jou selfgeboude tronksel.

Sê maar net... ·

Oooo genade tog, maar julle ou spul negatiewe en depressiewe volksgenote, hier op MM sou julle voortrekker voorouers laat bloos, met julle sissiegeit!!!
Julle kerm en kla en begrawe julself laaaank voor jul dood is!!!
SIES!!!

Kallie ·

Ons Voortrekker voorouers sou vir ons gesê het om die tasse te pak en so vinnig moontlik by die lughawe uit te kom. Dit is maar in ons bloed om aan te beweeg.

Gideon ·

Ja,met die steun en die kreun van die ossewa gee ons nou maar op en sal STERWE en net sterwe vir jou SA

Vryheid ·

Ongelukkig as jy realities moet wees, het SA nog net stelselmatig agteruit gegaan vandat die anc in beheer is. SA gaan maar die selfde pad stap as al die ander afrika lande…. Hand tot mond.

George in Bloem ·

Dis duidelik dat almal nie Ramaphose en die ANC bende se fairytales glo nie. SA is in Afrkia en sal opeindig soos die res van Afrika. Die agteruitgang is tog baie duidelik,behalwe vir die spul wat weier om dit te sien,maar die feit is ons is stewig op koers na ‘n Zim en die res noord scenario en die gepeupel jubel daaroor. Daar is net mooi niks wat die vergete politiese ontmande minderheid daaraan kan doen nie.

maplotter ·

As daar nog lig aan die einde van die tonnel is gaan Moodys dit flenters skiet

Jeremia ·

Sommige mense ly aan totale ontkenning en bevind hulle op Shangri-la waar die ou sonnnetjie skyn en net so ou paar probleempies is.
Die kwessie of punt is nie eens of iemand wil of kan padgee nie. Die eintlike logiese punt is: dis meer as raadsaam om te GAAN.
Want hef aan lê voor!

Jean-Pierre ·

Hey mense, vir die wat wil uit SA en kans sien kyk na Panama se “Friendly Nations Visa”.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.