Die Food Lover’s Market in Diepkloof, Soweto, waar ʼn rot afgeneem is waar dit aan ʼn slaai smul, sal toe bly tot die Stad Johannesburg se afdeling omgewingsgesondheid tevrede is dat dit aan die nodige higiëniese standaarde voldoen.
“Ná die inspeksie die afgelope week is die winkel Sondag gesluit en [het dit] Maandag gesluit [gebly] ná ons diepreinigingsproses en beroking,” sê rdl. Mpho Phalatse.
Gesondheidsinspekteurs van die stadsraad sê die winkel is gemonitor vandat dit in 2013 oopgemaak is. Inspeksies en monitering is veral toegespits op ʼn knaagdierprobleem.
“Ons inspekteurs het gesê hulle het opgemerk dat die winkel nie aan ʼn aantal voedselveiligheidsordonnansies voldoen nie,” sê Phalatse, “en voorgestel dat stappe gedoen word om dit reg te stel.”
Phalatse sê die probleme in die winkel het opnuut onder hul aandag gekom nadat die video van die rot in die slaai soos ʼn veldbrand in die sosiale media versprei het.
Sy sê haar afdeling sal nie huiwer om winkels toe te maak wat klante se gesondheid in gevaar stel nie. “Ons sal steeds vreesloos optree teenoor almal wat ons ordonnansies oortree tot dié oortredings iets van die verlede is.”
Waaroor is die opgewondenheid… die rot lyk vir my gesond en gelukkig……
Lekker lag ek nou. Baie skerp!
Nou gaan daar seker weer betogers rondhardloop en die winkel aan die brandsteek omdat hy nie oop is nie
Die eienaar is nie wit.
Dis maar ‘n moeilike werk dié van gesondheidsinspekteur. Dink net jy werk vir ‘n munisipaliteit wat sorg dat die riool oral uitborrel en jy moet hulle (jou werkgewer) aankla. Dit laat my dink aan Piet Wiele ‘n spietkop wat op ons plattelandse dorpie sy eie vrou ‘n kaartjie gegee het vir ‘n verkeersoortreding. Toé moes jy sien die verkeersorde !!
Afgesaagde storie
Hy was honger, en daai vrugte slaai het darm net te aanloklik gelyk..Lyk nou nie vir my of hy enige iemand pla nie…