Forplay se straf ‘belaglik’

'n Skermskoot van die Facebook-inskrywing.

‘n Skermskoot van die Facebook-inskrywing.

Die munisipale beampte van Oudtshoorn wat verlede jaar ʼn herrie op sosiale media veroorsaak het toe hy gesê het “witmense se tonge moet met ʼn kapmes uitgesny word”, se straf is “belaglik”.

Dit is die mening van Thomas van Dalen, AfriForum se provinsiale koördineerder vir die Wes-Kaap, nadat Vuyisa Forplay ʼn geskrewe waarskuwing ontvang het en versoek is om berading in diversiteitsbestuur te ontvang.

Maroela Media het in Oktober berig die Oudtshoorn-munisipaliteit ondersoek een van sy beamptes, Vuyisa Forplay, wat onder die naam Vuyisa Bhefile Ka Hlazo uitlatings op Facebook gemaak het. Forplay het onder meer gesê hy kan nie wag om te sien hoe witmense die landsgrense met hul besittings oorsteek nie.

“Dit is baie duidelik dat hy (Forplay) deur sy kaders in die munisipaliteit beskerm word. Hierdie was nie net ʼn uiters rassistiese aanmerking teenoor wit mense nie, maar ook haatspraak. Gesien in die lig van die gebeure die afgelope paar weke waartydens verskeie rassistiese aanmerkings ten sterkste veroordeel is en senior amptenare summier ontslaan is omdat hulle net geskimp het dat anderskleuriges nie oor die vermoë beskik om sekere poste te beklee nie, plaas dit ʼn ernstige vraagteken agter die belaglike straf wat Forplay opgelê is,” het Van Dalen gesê.

Hy het bygevoeg dat AfriForum hom totaal distansieer van alle vorme van rassisme, maar dat dit duidelik is die oorgrote meerderheid swart mense in Suid-Afrika glo die term “rassis” of “rassisme” kan eksklusief aan wit mense toegedig word. “AfriForum sal voortgaan met die strafregtelike klagte teen Forplay,” het Van Dalen afgesluit.

Die Demokratiese Alliansie (DA) het die kwessie onder die aandag van die Suid-Afrikaanse Menseregtekommissie (SAMRK) gebring.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
ZAR

ek is verbaas hy het nie n premosie gekry nie, maar dit kom seker nog later as die stof gaan le het

Flip Sadler

Kan niemand maar niemand iets daaraan doen nie????

herman

Mooi so Afriforum. Moet nie die saak daar los nie. Geregtigheid moet seevier anders is dit verby met almal in hierdie land.

Dee

Flip Sadler, as jy minder vraagtekens plaas en beter lees sal jy sien dat AfrForum vortgaan met die strafregtelike klagte.

Sandra spangenberg

Ek gaan liewer niks hierop sê nie, ingeval ek ook van rasisme aangekla word. Dankie Afriforum