[Foto] Bus, vullistrok beland in Pta-vertoonlokaal ná botsing

Die ongelukstoneel. Foto: ER24

Een persoon is dood en vier beseer nadat ʼn bus en ʼn vullistrok Saterdag in Pretoria gebots het.

Werner Vermaak, woordvoerder van ER24, het gesê die botsing het omstreeks 10:00 in die aansluiting van Pretoriusweg en Du Toitstraat in Pretoria se middestad plaasgevind.

“Die twee voertuie het mekaar vermoedelik in die oorgang getref, waarna albei voertuie in die vertoonlokaal langs die aansluiting tot stilstand gekom het,” het Vermaak gesê.

“Die busbestuurder is in die ongeluk dood. Drie passasiers en die bestuurder van die vullistrok het matige beserings opgedoen en is na die Tshwane-streekshospitaal geneem vir verdere behandeling.”

Na wat vasgestel kan word, is niemand op die handelaar se perseel beseer nie.

Die oorsaak van die ongeluk word deur die polisie ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

6 Kommentare

max ·

Dink nie dis mooi om grappies te mak en te lag nie. Dis n stadsraad bus met blanke bestuurder wat sy lewe verloor het

SARIE VAN HEERDEN ·

Hoe verloor jy beheer oor ‘n voertuig in ‘n besige straat in die middestad van Pretoria? Spoed, onervare/onopgeleide voertuigbestuurder? Bestuur onder invloed van alkohol?

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.