[Foto] Dié man gesoek ná aanval op jong Kaapse meisie

Sanet de Lange. Foto: Facebook

Sanet de Lange. Foto: Facebook

Die polisie in Kaapstad het ʼn foto wat van kringtelevisiebeeldmateriaal verkry is uitgereik en vermoed die man in die foto kan hulle bystaan in die ondersoek na die aanval op Sanet de Lange (18).

De Lange is verlede maand bebloed langs ʼn straat in Claremont gevind. Die polisie het haar na die Groote Schuur-hospitaal gehaas. Volgens lt.kol. André Traut, woordvoerder van die polisie, is die beeldmateriaal verkry van ʼn kringtelevisiekamera in Claremont.

De Lange voer aan sy is in die vroeë oggendure van Vrydag 10 Julie buite die Tiger Tiger-nagklub aangeval. Volgens haar het sy in ʼn metertaxi geklim waarna sy glo deur drie mans aangerand is. Sy het glo sowat ’n kilometer verder uit die taxi gespring en weggehardloop. Die mans het haar glo agternagesit en op die grond vasgedruk. Sy kon daarin slaag om weg te hardloop en het oor ʼn kerk in die omgewing se muur gespring. Daar het De Lange glo onder ʼn hoop blare weggekruip terwyl sy gehoor het hoe die verdagtes na haar soek. Sy het later haar bewussyn verloor.

Die polisie soek die man.

Die polisie soek die man.

De Lange se familie was ontstoke oor hoe die polisie haar glo hanteer het. Polisiebeamptes het glo gesê sy was dronk en dat sy seker geval het en in die proses beseer is. Die polisie het egter die bewerings ontken. Die bewerings vorm egter deel van die ondersoek na die voorval.

Enigiemand wat die man in die foto herken word versoek om kapt. Nathan Arries te kontak by 082 469 2492.

Klik hier vir vorige berigte oor Sanet de Lange op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
CHRISTA

Hoop en bid hulle vang hom!!

HEVW

Sy kom voor as n goed opgevoede persoon. Is daar dan nie ander plekke van vermaak en onspanning nie as hierdie smerige nagklubs met al sy ewels wat gewoonweg voorkom?

susan

Hoe kan enige regdenkende blanke in n taxi klim? Gaan my verstand te bowe. Soos dit is word mens oral aangeval. Het sy nie vriende of familie wat sy kon bel om haar te kom haal nie? Vra maar net.

Limpopo

Die is nog een van daardie gevalle waar ek my wonder uitspreek oor die gebeure. Ek mag verkeerd wees maar iewers is iets nie pluis nie

Donsie

Pragtige meisiekind!!
Het die wat so gal braak nie ook al ‘n verkeerde besluit in die verlede gemaak nie. Beslis ja, geen haan het daaroor gekraai nie.