[Foto] Kar ploeg in eetplek in

‘n Foto van die toneel. Foto: Verskaf

Verskeie mense, waaronder twee swanger vroue, het Saterdagaand ʼn noue ontkoming gehad toe ʼn motor in ʼn eetplek waar hulle was ingeploeg het.

Russel Meiring, woordvoerder van ER24, het gesê die voorval het in Longstraat in Newlands in die weste van Johannesburg plaasgevind.

“Die bestuurder van die motor het na bewering beheer oor sy voertuig verloor, waarna dit die pad verlaat en deur die heining van die eetplek geploeg het. Die voertuig het teen die eetplek se muur tot stilstand gekom,” het Meiring gesê.

Met paramedici se aankoms het verskeie mense op die toneel rondgeloop.

“Paramedici het die omstanders, waaronder twee swanger vroue, ondersoek en gelukkig is niemand beseer nie. Die bestuurder is ook ondersoek en is ongedeerd.”

Plaaslike owerhede was op die toneel om verdere ondersoek in te stel.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

18
Nou pra' jý

Jy moet deel van Maroela-fontein wees om kommentaar te lewer.

of word deel

16 Kommentators

18 Kommentare

jongste oudste gewildste
Weereens...

Mense dink hulle is in n Fast and Furious fliek!
Wanneer gaan mense grootword?
Wanneer gaan mense besef dat agter n kar se stuur inklim is nie n action-movie nie!

job

Seker die rem- en petrol-pedale wat deurmekaar geraak het.

Johan

Wonder of iemand nou by daardie restaurant verbied gaan word…

Swartkat

Hy was seker haastig om sy take-away te kry voor dit koud raak

Karel

Die probleem is dat enige iemand vinnig kan ry, maar nie enige iemand kan vinnig stop nie!