Vir die wat nie Woensdagoggend kon sien hoe die planeet Venus voor die son wentel nie – Nasa het seker gemaak dat dié rare sterrekundige gebeurtenis gedokumenteer word. Die foto is Woensdag, Suid-Afrikaanse tyd, deur Nasa se Solar Dynamics Observatory geneem.
Die verskynsel was Woensdagoggend kort na sonsopkoms in die lugruim te sien toe die planeet Venus tussen die aarde en die son verbybeweeg het. Die volgende keer wat die verskynsel weer gaan plaasvind is in Desember 2117.