Nog ‘n foto volg onderaan die berig. ʼn 17-jarige seun is Dinsdag beseer in ʼn botsing tussen sy motorfiets en ʼn ligte motorvoertuig in Nelspruit, Mpumalanga.
“Die ongeluk het in Koraalboomstraat plaasgevind,” het Russel Meiring, woordvoerder van ER24, in ʼn verklaring gesê. “ER24-paramedici het die tiener vir geringe beserings behandel en hom na die Mediclinic Nelspruit geneem vir verdere behandeling.”
Die hoërskoolleerling het op sy motorfiets gery toe hy die ligte motorvoertuig getref het. Die bestuurder van die motor is nie beseer nie.