Foto’s: 9 vas oor geweld in Riebeek-Kasteel

Riebeek-Kasteel, die klein plattelandse dorpie in die Wes-Kaap, gaan gebuk onder gewelddadige betogings wat sedert Sondagaand in dié dorpie woed. Foto: Verskaf.

Riebeek-Kasteel, die klein plattelandse dorpie in die Wes-Kaap, gaan gebuk onder gewelddadige betogings wat sedert Sondagaand in dié dorpie woed.

Kapt. FC van Wyk, woordvoerder van die polisie, het gesê altesaam nege mense is op aanklagte van openbare geweld in hegtenis geneem.

“Sowat 300 mense is betrokke by dié betoging oor dienslewering. Betogers het by ʼn plaaslike wynmakery ingebreek en ʼn voertuig omgegooi,” het Van Wyk gesê.

Hy het aan Maroela Media bevestig dat daar in ʼn stadium rubberkoeëls afgevuur is om die skare uiteen te jaag.

Oor die bewerings dat mense aangesê word om in hul huise te bly en hulself toe te sluit sê Van Wyk dat geen van daardie bewerings onder die polisie se aandag gebring is nie. “Ek sien daar is nou ʼn gebed en goed wat ook rondgestuur word, maar die polisie gaan nie kommentaar lewer oor bewerings op sosiale media nie.”

Talle foto’s van die betoging is Maandag op sosiale media versprei.

Van Wyk noem verder dat daar tans ʼn vergadering tussen die plaaslike munisipaliteit en die inwoners onderweg is. Hy het die situasie as “gespanne” bestempel.

“Verskeie eenhede van die polisie monitor die situasie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Naja Nivea

Ek bly op die dorp. Swartland munisipaliteit is van bestes in land. Ons het gesien hoe ANC busse mense aangery het om te plunder. Feite.

Ben

Dieselfde moeilikheidmakers word uit die stad uit aangery na die verskillende dorpe en word befonds. Raai maar self deur wie.

Hanna Hoekom

Dit help veel die polisie neem mense inhegtenis as daar net nooit iets van hierdie sake kom nie. Niemand skrik meer nie! Dis duidelik dat iets of iemand agter hierdie betogings in die Weskaap sit. Go figure. ..

Johan

Stop die kommentaar voordat die waarheid uitkom !!!!! Maroelamedia is al een wat ‘n artikel oor die geweld in Riebeek het! Mooi!!!

PJC

Hoekom wag die polisie altyd totdat ń klomp skade aangerig is voordat hulle kstig ń paar rubberkoeëls afvuur. Wat sou gebeur het indien hierdie geweldenaars die inwoners begin aanval het en van hulle beseer of gedood het?