Foto’s: Australiërs hou optog teen ‘volksmoord in SA’

Fraser Anning, Australiese senator (Foto: Facebook)

Meer as 3 000 betogers het Sondag in Perth in Australië byeengekom om ʼn optog teen plaasmoorde en onteiening sonder vergoeding te hou.

Luidens ʼn verklaring is dié optog gehou ter ondersteuning van die Australiese regering wat boere in Suid-Afrika wil bystaan deur die emigrasieproses te vergemaklik. Dit kom nadat Peter Dutton, Australië se minister van binnelandse sake, vroeër bekend gemaak het dat dié land die emigrasieproses spesifiek vir wit Suid-Afrikaanse boere wil versnel omdat hulle in hul eie land “vervolg” word.

Optoggangers het ná die optog ʼn memorandum aan die Australiese regering oorhandig wat onder meer die regering bedank vir die hulp wat hy tot dusver aangebied het om boere in Suid-Afrika te help en om Dutton se planne om die emigrasieproses te versnel, te ondersteun.

“Die memorandum bevat ook onder meer feite soos dat dit nie net boere is wat geteiken word nie, maar ook mense van ander gemeenskappe wat slagoffers word – en dit sluit alle gemeenskappe in. Ons wil ook bewusmaking bring vir die hoë vlakke van misdaad – veral in informele nedersettings – en veral misdaad op vroue en kinders. In die memorandum is ook voorstelle oor hoe Suid-Afrikaanse families makliker na Australië sal kan emigreer en ons spreek ons kommer uit oor die beleid van onteiening sonder vergoeding,” lui die verklaring.

Die optog in Perth in Australië (Foto: Facebook)

Optoggangers is aangemoedig om hul Suid-Afrikaanse én Australiese vlae na die optog te neem – mits dit die huidige vlae van die twee lande is.

Fraser Anning, Australiese senator, het Sondag foto’s van die optog op Facebook gedeel en gesê dié optog is teen “volksmoord in Suid-Afrika”. “Wit Suid-Afrikaners sal nie stilgemaak word nie,” het hy geskryf. “Duisende in Perth wys vandag hul ondersteuning.”

Anning het voorheen aan die Australiese nuuswebwerf SBS gesê Suid-Afrikaners sal “inpas” by Australië aangesien “hulle soortgelyk aan ons [Australiërs] is” en “soortgelyke uitkyke en Christelike waardes het”.

Die optog in Perth in Australië (Foto: Facebook)

Die optog in Perth in Australië (Foto: Facebook)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

98 Kommentare

jongste oudste gewildste
Anoniem

Goed gedaan sal goed wees as die buiteland kan i gryp ons mense word so uitgemoor en ons kan niks doen nie en em kan getuig van plunder en diefstal op ons plasie

Anoniem

Woner hoe kan ek fotos plaas van ond plasie wat geplunder is

Boela

Aussie, Aussie, Aussie! Oi, Oi Oi!

hendrik

Soos n leser op Praag genoem het dat die hoofstroom media niks daarvan gerep het nie maar winnie is op bladsye een tot sewe van elke dag se koerante.

Gjorgi

Hierdie onstel my meer as wat dit my gelukkig maak. Is die oplossing nou skielik om te emigreer? Ons wil hulp HIER hê, ons wil nie hulp hê om te kan vlug nie? Die hele internasionale bewusmakings veldtog van Afriforum is besig om drasties te “backfire” want om te emigreer is JUIS wat die ANC en Julius wil hê.