Foto’s: Bestryders veg teen brand by Jhb-fabriek

Foto: ANA (Twitter via @radebe_nana)

ʼn Brand het Woensdagoggend uitgebreek by ʼn gom-en-papierfabriek in Kya Sands naby Lanseria, noord van Johannesburg.

Nana Radebe, woordvoerder van die Johannesburgse nooddienste, het aan Maroela Media gesê niemand is tydens die brand beseer nie aangesien daar niemand in die gebou was nie. Die brand het uitgebreek voor die werksdag begin het.

Die brand het omstreeks 05:30 ontstaan.

Radebe het gesê drie brandweerwaens en 20 brandbestryders is na die toneel ontplooi.

“Die situasie daar is nou onder beheer, maar omdat dit gom en papier is, dink ons dit gaan nog so twee uur neem voor alles heeltemal geblus is,” het Radebe teen 10:37 aan Maroela Media gesê.

Radebe het gesê ʼn ondersoek na die oorsaak van die brand sal van stapel gestuur word nadat hulle die brandbestryding heeltemal afgehandel het.

Sommige sosialemediagebruikers het bespiegel dat die brand verband kan hou met die betoging in Kya Sands oor swak dienslewering. Dit is egter nie deur die owerhede bevestig nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

9 Kommentare

RINA ·

En so word die een na die ander ding afgebrand deur mense wat nie ‘n hel omgee waar hulle volgende bord kos vandaan gaan kom nie, ek is siek en sat vir die gemors wat aangaan

Theresa B ·

Ek stem met jou Rina.
Ongelooflik hoe geboue elke dag nou sommer net brand.

leser ·

“rina”
stadig met daai kommentaar, 05:30 vanoggend en niemand was in gebou nie
kom ons wag vir inligting aangaande brand en begin daarvan

Realis ·

5:30 – Sekuriteit was daar…
Dalk iemand anders wat bietjie vroeër ingekom het…
Miskien bietjie vroeg met die brand stig kommentaar maar gladnie onmoontlik nie.

Vra net ·

Mis ek iets of is daar ‘n vreeslike klomp groot brande hierdie week? Pta, Jhb , Kya Sands

Katerina ·

Yep..hierdie land het nou regtig “The Burning Shore” geword.

GM ·

Haha, lag ek nou vir diegene wat sê moenie te vinnig oordeel nie. Daar is onlangs daar rond betoog, en jul voel dié fabriek het sommer nou net vanself aan die brand geslaan?

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.