[Foto’s] Betogers maak amok in Kaapstad

Twee Golden Arrow-busse is Woensdag op die N2 tyden onluste in Kaapstad aan die brand gesteek. Foto: Via Twitter

Twee Golden Arrow-busse is Woensdag op die N2 tyden onluste in Kaapstad aan die brand gesteek. Foto: Via Twitter

Onluste het Woensdagaand in Kaapstad uitgebreek, waartydens betogers twee busse en ʼn vragmotor aan die brand gesteek en die N2-snelweg naby die lughawe versper het.

Die betoging spruit na bewering uit ontevredenheid oor ʼn ANC-kandidaat vir die munisipale verkiesing op 3 Augustus.

Kapt. FC van Wyk, provinsiale polisiewoordvoerder, het by navraag aan Maroela Media gesê die protesoptrede het omstreeks 18:00 in Nyanga uitgebreek.

“Met die polisie se aankoms was twee Golden Arrow-busse, ʼn vragmotor en buitebande op die snelweg by Borcherds Quarryweg aan die brand,” het Van Wyk gesê.

Die snelweg in die rigting van Somerset-Wes moes vir verkeer gesluit word. Die snelweg is intussen weer oopgestel.

Twee mense wat glo probeer het om motoriste te beroof, is in hegtenis geneem. Die polisie ondersoek ʼn saak van openbare geweld, maar niemand is nog in dié verband in hegtenis geneem nie.

Die situasie was teen Donderdagoggend kalm. Die polisie en metropolisie monitor die situasie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Johann

Anargie. Volgens plan. Plakkers alreeds vir jare strategies in en om Kaapstad geplaas om te mobiliseer soos en wanneer benodig. ANC: ons stuur vir julle die rekening vir die brande en breek en trauma. Vir n politieke.party wat the people at heart het en luister na die gemeenskap…vreemd dat soveel so upset kan wees?

Griki

Die munisipaliteit en ander wat skade gely het deur hierdie betoging moet die ANC self (Luthuli-huis) opskroef vir vergoeding. Ons kan nie toelaat dat hulle Kaapstad ook verniel soos hulle met Tshwane gemaak het nie.

Tiger

Ek verstom my oor hoe die betogers hul grief en met die aan die brandsteek van voertuie op ‘n snelweg bymekaar kry?Wys mens net hoe KLEIN die betogers se breine regtig is!!Motoriste sal maar moet oorgaan tot selfverdediging waar hulle in sulke gevalle tussen klipgooiers vasgevang word.Ek meen die motoris het betaal en betaal steeds vir die pad waarop hy ry en die reg om daarop te kan ry die betogers niks nie!Hoekom brand hulle nie liewer hul bure se huisies af nie??Sal baie meer sin maak dan!

Daenerys Targaryen

Hmm elke keer die ANC. So ‘n puik idee sal wees vir hulle om eerder Nkandla aan die brand te gaan steek dan hou hulle die onluste en brand skade sommer alles binne die ANC ……….

Selfverdediging

Hier mee verklaar ek dat ek nie sal huiwer om myself te verdedig as ek beroof of aangeval word nie, so wees gewaarsku die wat dink hulle kan maak wat hulle wil.