Foto’s: Betogers saai chaos op N3

Foto: Twitter

Tussen 10 en 15 vragmotors is volgens berigte reeds aan die brand gesteek tydens ‘n gewelddadige betoging op die N3 naby die Mooirivier-tolplaza in KwaZulu-Natal.

Duisende motoriste keer reeds van KwaZulu-Natal af na Gauteng terug ná die langnaweek terwyl duisende ander eers ná Dinsdag se vakansiedag sal terugkeer.

Die N3-tolkonsessie het op Twitter bevestig betogings het daartoe gelei dat verkeer op talle plekke herlei word. Volgens ooggetuies word vragmotors ook geplunder en heers daar absolute chaos in die area.

Volgens die verkeersowerhede het daar tussen 17:00 en 18:00 sowat 990 voertuie noordwaarts deur die tolplaza beweeg en sowat 740 voertuie suidwaarts, voor die betogings owerhede genoop het om sekere dele van die hoofweg te sluit en verkeer te herlei.

Foto: Twitter

Arrive Alive het op Twitter gesê dit is bevestig dat minstens 10 vragmotors reeds aan die brand gesteek is. Robert McKenzie, woordvoerder van die provinsiale nooddienste, het ‘n beroep mense gedoen om versigtig te wees in die area. Volgens berigte is niemand nog tydens die betogings beseer nie.

Sondagaand se chaos volg ná die gewelddadige betoging in dieselfde area tydens die Paasnaweek. Talle vragmotors is toe ook aan die brand gesteek en paaie moes gesluit word. Dié protesoptrede is glo deur vragmotorbestuurders uitgevoer weens ontevredenheid oor lone.

Die Mooirivier-N3-tolplaza is een van die besigste tolhekke in die land met die N3 wat Durban en Johannesburg verbind.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

47 Kommentare

jongste oudste gewildste
Louis

En die polisie kon niks doen om dit te keer nie. Nie eens met verhoogde lanknaweek teenwoordigheid nie. Julle is paties. En die wat die verwoesting gesaai het nog meer pateties.

Die Kryger

Niks met lone te doen nie. Dit is n gees van verwoesting. Bestraf daardie gees in Jesus se Naam

AD

Liewe aarde! Het betogings nou in Nag skof ook ontaard. Die eens liefdelike land is nou in stukke.

Johanna Botha

Waar is die polisie …of kyk hulle net weer wat gebeur en plunder saam soos ons lees in van die berigte ….

Cherokee

Dit blyk dat Suid Afrika ietwat onrustig is.