[Foto’s] Betogings gaan voort by Tuks

Foto: Twitter via @afriforumjeug

Foto: Twitter via @afriforumjeug

Ondanks die Universiteit van Pretoria (UP) se onderneming dat alle akademiese bedrywighede Maandag hervat sou word en dat toegang tot die instansie se Hatfield-kampus streng gemonitor sal word, het betogers weer Maandagoggend op die kampus saamgedrom.

Foto’s is op sosiale media versprei van groepe betogers wat voor die Aula saamdrom met onlustepolisie wat die situasie staan en dophou. Polisienjalas en -beamptes was op verskeie plekke op die kampus te sien. ʼn Ouer van een van die studente het aan Maroela Media gesê haar kind wou die kampus verlaat, maar is deur ʼn groep betogers voor die biblioteek voorgekeer en moes veiligheidsonthalwe by sekuriteitsbeamptes skuiling vind.

Foto: Twitter via @afriforumjeug

Foto: Twitter via @afriforumjeug

Die universiteit se amptelike studentekoerant, Perdeby Nuus, het op Twitter gesê dat hulle nie meer foto’s van die betogings op sosiale media sal deel nie omdat joernaliste en fotograwe talle dreigemente ontvang het. ʼn Personeellid het ook op sosiale media vertel dat onlustepolisie buite die regsfakulteit waar sy werk, ontplooi is om personeellede te beskerm.

Alle akademiese bedrywighede by die Hatfield-kampus is Woensdag onbepaald opgeskort weens die studentebetogings wat al sedert verlede Maandag op die kampus woed. Die UP het Sondag in ʼn verklaring gesê akademiese bedrywighede sal vandag weer hervat en toegang tot die kampus streng beheer word. Die universiteit het vroeër gesê toetse en klasse wat verlede week weens die betogings misgeloop is, sal herskeduleer word om tydens die resesweek, wat op 3 Oktober begin, plaas te vind.

Teen 09:30 Maandag is daar berigte ontvang dat klasse weereens ontruim is weens die voortslepende betogings. Anna-Retha Bouwer, woordvoerder van die universiteit, kon dit nie aan Maroela Media bevestig nie. Sy het gesê sy weet nie wat die situasie tans op die kampus is nie en sal later meer kommentaar kan lewer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

32 Kommentare

jongste oudste gewildste
Leonard van der Dussen

Net twee “stakers” het vanoggend by een van Tuks se toegangshekke ‘n groot groep beskaafde studente-wat-net-wil-studeer belemmer om die kampus te betree. Die sekuriteitswag het sy skouers opgetrek en die polisielede in die omgewing was sonder mening, opdrag of enige inisiatief. Hierdie is lankal nie meer net ‘n politieke saak bv oor Afrikaans of iets nie, maar ‘n keuse vir of teen beskawing. Prof Cheryl de la Rey moet loop, want #TuksDoenNiks

Anoniem

Die oproermakers het vanoggend die bande van motors wat naby die moleste geparkeer is, stukkend gesteek. HOEKOM word hulle nie gearresteer nie?? Dis mos opsetlike saakbeskadiging?

Basson

En Julius lag lekker….

Jakes

Kry die betogers se “designer label” klere, tekkies en sonbrille in die hande…maak ‘n bonfire.
Sirkuleer hul ongebruikte boeke tussen rerige behoeftige studente wat smag na geleerdheid.

Disselboom

As mens wyd lees en uitvind, is BCom al redelik goed beskikbaar in allerlei privaatinstansies, en daar is opsies vir BA en BEd. Dis die natuurwetenskappe (BSc) en ingenieurswese (BIng) wat van die basiese wetenskappe nou ernstig aandag kort. As mense dalk minder gesteld is op groot geboue, en die vakkundiges en studente mekaar vind, kan baie opleiding buite hierdie nonsens by die openbare universiteite gebeur. Maar nou ja, ons is mos onderhorig tot die dood toe dat alle opleiding deur die regering geakkrediteer moet word, en die aanbiedingsinstansie te geregistreer moet word. Watter twak is dit dat ‘n vakkundige… Lees meer »