[Foto’s] Boere ruk op na hof ná Balfour-plaasmoord

Louis, Belinda en hul kinders. Foto: Facebook.

Louis, Belinda en hul kinders. Foto: Facebook.

ʼn Groot groep boere en lede van die boeregemeenskap het buite die Balfour-landdroshof bymekaargekom waar ʼn verdagte verskyn het in verband met die gru-plaasmoord vroeër vandeesmaand wat vier lewens geëis het.

Hulle het geëis dat die verdagte nie borgtog toegestaan word nie. Talle lede van die DA het ook die hofverrigtinge bygewoon. Hul het in ʼn verklaring gesê hulle is daar omdat daar ʼn “desperate” behoefte aan veiligheid in plattelandse gebiede is. “Dit is noodsaaklik vir voedeselsekuriteit, werksekuriteit asook volhoubare groei van die landboubedryf.”

Gert Smuts (78), sy vrou, Paulina (71), hul seun Louis (47) en skoondogter Belinda (42) se liggame is vroeër vandeesmaand gevind nadat hulle vermoor is. Maroela Media het vroeër berig Cherize (18) en Marcel (21) het op een dag hul ouers asook hul oupa en ouma verloor.

Amos Mthembu (29), die man wat in hegtenis geneem is in verband met die moorde op die Smuts-egpare, het vandag in die Balfour-landdroshof verskyn. Hy het aangedui dat hy nie om borgtog gaan aansoek doen nie.

Sers. Gerald Sedibe, woordvoerder van die polisie, het aan Maroela Media gesê die saak is tot 3 April uitgestel. “Die rede vir die uitstel is om te wag vir die uitslae van die nadoodse ondersoeke van die oorledenes. Dit is ook uitgestel aangesien ʼn ander verdagte nog in die hospitaal is en daar gewag word dat hy ontslaan word om saam met dié verdagte (Mthembu) in die hof te verskyn,” het Sedibe gesê.

Die ander verdagte, ʼn 27-jarige man, is tydens ʼn skietgeveg met die polisie gewond. Die twee beweerde moordenaars is Mosambiekse burgers.

Volgens Sedibe het nog twee verdagtes wat in hegtenis geneem is in verband met goedere wat tydens die moord gesteel is en in hul besit gevind is, Woensdag in die Balfour-landdroshof verskyn. “Hulle saak is tot 1 Maart uitgestel. Hulle bly in aanhouding,” het Sedibe gesê. Die twee, onderskeidelik 20 en 30 jaar oud, is Nigeriese burgers.

Gouws Booyens, ʼn lid van die boeregemeenskap wat by die hof was, het aan Maroela Media gesê die gemeenskap het na die hof opgeruk omdat hulle ongelooflik kwaad is oor die gebeure. Volgens Booyens word die vier familielede Vrydag 10:00 vanuit die Herlewingsentrum in Mayville, Pretoria, begrawe.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

126 Kommentare

jongste oudste gewildste
arie

Baie geluk aan die Boeregemeenskap van Balfour.
Dit wil gedoen word.
Mag hierdie optrede ander gemeenskappe oortuig dat dit gedoen moet word.

Milan

Bravo boere. Ons kon egter die DA hempies by die huis gelos het.

Lampies Lambrechts

Waarom word daar spesifiek na die DA verwys? Was daar geen VF+ lede nie?

Lee

Dis reg boere!!! Wys hulle ons gaan nie meer die moorde duld nie. Weet nie wat die DA daar soek nie?? Hulle ondersteun mos nie meer die wit moorde nie.

TROTS

Well done!!! Dis hoe dit gedoen word manne