[Foto’s] Bokke, skape beseer in ongeluk

Paramedikus C Lennox en N Scott van die padverkeersinspektoraat probeer om ʼn beseerde bok te kalmeer Foto: Rescue Care

Paramedikus C Lennox en N Scott van die padverkeersinspektoraat probeer om ʼn beseerde bok te kalmeer Foto: Rescue Care

Drie mense en talle bokke en skape is Dinsdag beseer toe ʼn vragmotor op die M7 naby die N2 in ʼn suidelike rigting in KwaZulu-Natal omgeslaan het.

“Die vragmotor het op sy sy gelê toe paramedici by die toneel opgedaag het,” het Garrith Jamieson, woordvoerder van Rescue Care, gesê. “Van die vee het op die besige snelweg rondgestaan. Talle vee het ernstige beserings opgedoen en moes deur beamptes van die Dierebeskermingsvereniging van kant gemaak word.”

Volgens Jamieson het die drie insittendes van die vragmotor ook matige beserings opgedoen en hulle is na ʼn nabygeleë hospitaal geneem vir verdere behandeling.

Die afrit na die N2-suid is gesluit terwyl nooddienste die toneel opgeruim het.

Dit is nog nie duidelik waarom die vragmotor omgeslaan het nie. Plaaslike owerhede stel ondersoek in.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.