Foto’s: Chaos by Menlyn-winkelsentrum in Pretoria

H&M in Menlyn, Pretoria (13 Januarie 2018) Foto: @kayfeelow, Twitter

Chaos het Saterdag by Menlyn-winkelsentrum in Pretoria uitgebreek toe lede van die Ekonomiese Vryheidsvegters by dié sentrum betoog het.

Lede van die EFF het spesifiek op die H&M-winkel toegeslaan en klere rondgegooi en winkelpoppe omgestamp. Die party het ook by die H&M-takke in Sandton, Johannesburg en V&A Waterfront, Kaapstad, betoog.

Die betoging hou vermoedelik verband met ʼn advertensie van die klerewinkel wat vandeesweek opslae gemaak het. Die maatskappy is veroordeel vir ʼn advertensie vir die oorsese mark waar ʼn swart seun ʼn oortrektop dra met die woorde, “Coolest monkey in the jungle”.

Die top, wat vir £8.99 te koop aangebied is, is intussen van die rakke en webwerf onttrek en die Sweedse maatskappy het ʼn verskoning op sy webwerf en Instagram gepubliseer. “Ons wil graag ons posisie stel wat betref die omstrede foto van ons oortrektop. Ons posisie is eenvoudig – ons het ʼn fout gemaak en ons is baie jammer. Dit was ʼn ongeluk, maar dit beteken nie dat ons dit baie ernstig opneem of nie begryp watter ontsteltenis of ongerief dit veroorsaak het nie.”

ʼn Woordvoerder van Menlyn-winkelsentrum het nog nie reageer op ʼn versoek om kommentaar nie.

Die EFF het Maroela na die polisie verwys vir enige verdere navrae.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

81 Kommentare

jongste oudste gewildste
PJ

de klerk en kie julle sal dai wigte en teenwigte gou in werking stel anders sien ek groot probleme vir hierdie land onteining van eiendom sonder vergoeding nou net gehoor rhamaposa praat van nasionalisering van die Reserwe bank ens dai wigte en teenwigte nou verseker uiters dringend

Ronel

Absoluut pateties dat daar so opgetree word. As die advertensie van ‘n maatskappy wat oorsee gebasseer is jou ontstel, gaan maak daar moeilikheid. Die mense in SA het absoluut geen beheer oor wat daai mense dink of doen nie, maar ek het vergeet! Daar’s mense wat nie kan reguit dink nie. Staar vas teen dit wat hulle NOU sien.

Eish

Die besigheid moet vooraadopname doen.
Die berig sê klere is rondgegooi en winkelpoppe omgestamp. Nou hoekom is van die poppe kaalgestroop?

Eastrander

H&M in East Rand Mall was also attacked

Eastrander

H&M in East Rand Mall het ook deurgeloop