[Foto’s] Chaos in Bela-Bela; talle vas

Foto: SAPD

Foto: SAPD

Rubberkoeëls is Dinsdag afgevuur en talle mense is in hegtenis geneem toe betogers in Bela-Bela, Limpopo, onder meer ʼn gebou aan die brand gesteek en polisielede met klippe bestook het.

Brig. Motlafela Mojapelo, woordvoerder van die polisie, het gesê woedende betogers het die dorp se strate ingevaar en amok veroorsaak, na bewering oor ʼn besluit deur die dorpsraad om munisipale tariewe met R500 te verhoog.

“Talle mense is in hegtenis geneem nadat ʼn gebou en die burgemeester se voertuig aan die brand gesteek is,” het Mojapelo gesê. “Betogers het die strate wat na die informele nedersetting lei, en dus ook die mense in die nedersetting, [van die res van die dorp] afgesper. Die polisie moes rubberkoeëls afvuur om die skare uitmekaar te jaag. Dit is nog nie duidelik of enige van die inwoners seergekry het nie.”

Mojapelo het gesê twee polisiebeamptes het wel geringe beserings opgedoen toe hulle met klippe bestook is. “Openbare-orde-polisiebeamptes is met ʼn Njala op die toneel ontplooi om die situasie onder bedwang te bring.”

Hy het gesê aanklagte van brandstigting, kwaadwillige saakbeskadiging en openbare geweld word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

16 Kommentare

jongste oudste gewildste
m

Hierdie barbaarsheid raak nou afgesaag. Altyd ontevrede oor alles maar dra tot niks in die samelewing by nie. Ai ai

De Villiers

Die Afrika-manier om jou ontevredenheid te wys. Barbaars. En dan wil die regering almal as gelyk bestempel en dat ons hande moet vat en die land bou. Nee wat, daar is groot verskille tussen die Westerse- en Afrika benadering oor belangrike kwessies soos hierdie. Ek is nie bereid om ons as gesin se standaarde so te verlaag nie.

Elize

Het die mense nie n meer beskaafde manier van onderhandel as brand nie.hoekom moet hulle alles brand wat hulle oe sien. Nee dis so so barbaars.

jennefer

Maar ons bly ANC stem??????

cor

Hierdie is niks nuuts nie die regering van die dag het die voorbeeld gestel toe hulle die aparheidsregering probeer omverwerp het, deur middel van maksimum wanorde en brandstigting. Nou hoe sal die huidige generasie nou weet en verstaan daar is ander maniere om probleme en swak dienslewering op te los, dit word dan daagliks vir hulle vertel hoe die vorige generasie gemaak het om hulle sin te kry. So dra die gevolge van swak voorbeeld stel.