Fotos: Drie dood in ongeluk, bier geplunder

Drie mense is dood en ʼn vragmotor wat bier vervoer, geplunder nadat verskeie motors Saterdag in ʼn ongeluk op die N2 in KwaZulu-Natal betrokke was.

IPSS Medical Rescue het Saterdag gereageer op noodoproepe oor die ongeluk tussen Stanger en Zinkwazi naby die KwaZulu-Natalse kus. Verskeie voertuie, waaronder ʼn biervragmotor, was in die ongeluk betrokke. Volgens Arrive Alive het paramedici vier pasiënte op die toneel behandel, van wie twee in ʼn kritieke toestand was en nog twee ernstige beserings opgedoen het. Drie mense is op die toneel dood verklaar.

“Lede van IPSS Medical Rescue en ander nooddienste probeer die toneel opruim, maar hul pogings word belemmer deur plunderaars wat die afleweringsvoertuig van sy vrag besteel,” het nooddienswerkers Saterdag gesê.

Dit lyk of die ongeluk gebeur het toe een voertuig verskeie ander probeer verbysteek het, waartydens die bestuurder beheer oor die voertuig verloor en teen die vragmotor vasgery het.

Die ongeluk het veroorsaak dat verkeer aan weerskante van die snelweg opgehoop het.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

20 Kommentare

jongste oudste gewildste
JM

Een ding wat uitstekend in hierdie land gedoen word: PLUNDER!! Té wonderlik dat plunderaars altyd byderhand is.

Miskruier

Die mentaliteit van dié mense skreeu ten hemele.

Persheks Adri

O die drank is mos belangriker pffft

Magda G

Die goed bly maar gulsig. Plunder is hulle werk. Geen breinselle

Agge nee

Fotos baie swak gehalte.