[Foto’s] Duisende eis Zuma se kop

Foto: Adele Changuion

Duisende mense het van Kerkplein na die Uniegebou begin beweeg ondanks die reën wat vroegoggend oor dele van Pretoria uitgesak het.

Ondersteuners van verskeie opposisiepartye, insluitend die DA en EFF, het van vroegoggend op Kerkplein bymekaargekom. Die optoggangers het daarna na die Uniegebou begin beweeg waar partyleiers hulle vermoedelik sal toespreek.

Woensdag se optog is deel van verskeie aksies wat beplan word om pres. Jacob Zuma te probeer dwing om te bedank. Zuma vier Woensdag sy 75ste verjaardag by ‘n ANC-byeenkoms in Soweto.

Die polisie is intussen op hoë gereedheidsgrondslag by die Uniegebou. Die optog het tot dusver vreedsaam verloop. Cosatu en die SAKP het ook vroeër geëis dat Zuma bedank maar het besluit om nie aan vandag se optog deel te neem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Genieve

As ek so verneder word vat ek wragtig die pad.Kan Zumpies nie dink nie..die hele land soek sy kop.Onnosel veby.

Dissie

Mmmm… Wat gaan jou verskoning hierdie keer wees, mnr Zuma…? Hierdie ouens lyk vir my vreeslik rassisties? Of hoe?

Deurmekaar

Ek neem aan hierdie is dan ook ‘n klomp rassiste soos wat Zuma in ‘n vorige berig kwytgeraak het?? Wonder maar net…

JC

Ek dink regtig dis verby met hom(moet wees?), gesonde logika voorspel dit. Maar…hehehe…hehehe…

cor

Hy en sy Gupta kammerade se “inteligensie verslag ” sal weer met “Photo shop” wys daar was baie wit rassiste teenwoordig. Wag maar vir sy volgende toespraak by een of ander geleentheid dan slag hy weer die wittes.