Foto’s: Duisende na Loftus vir inhuldiging

Duisende mense is reeds by die stadion vir die inhuldiging. (Foto: SA Government via Twitter)

Duisende mense het reeds die Loftus Versfeld-stadion in Pretoria begin volpak vir die presidensiële inhuldiging later vandag. Die seremonie vind vanjaar in die stadion plaas en nie by die Uniegebou soos in die verlede nie.

Cyril Ramaphosa word tydens die geleentheid as Suid-Afrika se vyfde demokratiese president ingehuldig.

Talle polisielede is ontplooi en verskeie van die strate rondom die stadion is gesluit vir verkeer.

Altesame 32 000 sitplekke in die stadion is beskikbaar vir gewone lede van die publiek om die swierige inhuldiging by te woon. Diegene wat dit nie self kan bywoon nie, kan dit op verskeie plekke in al die provinsies op groot skerms volg. Die verrigtinge word ook regstreeks op die regering se webwerf uitgesaai.

Verskeie staatshoofde, diplomatieke afgevaardigdes, sakelui en ander belangrike gaste woon die geleentheid by. Talle van hulle het reeds by die stadion aangekom.

Die amptelike program begin om 11:00.

Ramaphosa sal na verwagting om 12:00 sy toespraak lewer, waarna ʼn verbyvlug om 12:20 oor die stadion gedoen word. Vermaak en bedankings volg daarna. Die program eindig kort ná 13:00.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

50 Kommentare

jongste oudste gewildste
Muffin

Belastingbetalers dok weer op. Daar word seker in die duurste hotelle gebly en groot partytjie gehou.

James

Geniet dit!!! My belasting geld betaal hiervoor maar sukkel om krag te kan bekostig. Die wiel draai binnekort vir julle!!!!!!!!!!!!!!

Hennie

Suip suip roer en lag
More’s nog ‘n lekker dag

Jacques

Is daai ‘n wit ou wat die vlag hys.
Of is dit nou die hys vlag…..????

CHAPPIES

SPUL NARRE…!!!
Sa op ROMMELSTATUS met sy ekonomie!
MAAR EÍSSHHHH…ONS,ONS PARTY SOMMER 120 MILJOEN OP EEN DAG GOU UIT…baie ryk land dié met dwase wat hom regeer !!!