Boere is keelvol vir plaasaanvalle en -moorde (Foto: Verskaf)
Die drie Zimbabwiërs wat na bewering vyf maande gelede op Alwyn van Zyl (79) en sy vrou, René (66), se plaas by Badseloop toegeslaan het, het Donderdag in die Mookgophong-landdroshof in Limpopo verskyn. Alwyn is tydens die aanval vermoor.
Die hofsaak is tot 7 Oktober uitgestel vir die Nasionale Vervolgingsgesag (NVG) om te besluit na watter hof die saak geskuif sal word. Die hof het ook beveel dat een van die verdagtes mediese behandeling moet ontvang nadat hy glo aangerand is.
Die verdagtes, Tatenda Lebogang Mongwenya (32), Lyod Madumba (28) en Yaganias Saga (30), bly tot dan in aanhouding, aangesien hul aansoek om borgtog vroeër geweier is.
Die drie verdagtes word aangekla van huisroof, poging tot moord, moord, die besit van gesteelde goedere en die besit van onwettige vuurwapens en ammunisie.
Alwyn en René se foto op ‘n trekker opgeplak (Foto: Verskaf)
Die Van Zyl-egpaar is op 20 Maart omstreeks 00:15 deur vyf aanvallers in hul plaashuis buite Mookgophong (Naboomspruit) oorrompel en aangerand. Die egpaar het gelê en slaap toe die mans die plaashuis betree het. Die aanvallers het Alwyn se voete en arms met klere vasgemaak en hom daarna verwurg.
Hulle is toe na die ander kamer waar hulle René gedreig en geld en vuurwapens geëis het. Hulle het haar met skoenveters vasgemaak en daarna die kamer geplunder, op soek na goed om te steel.
Die verdagtes is etlike ure ná die aanval in hegtenis geneem.
Duisende trekkers, vragmotors, bakkies en plaaswerktuie het vandag in konvooi onderweg na die hof saamgetrek. Boere het selfs op perde aan die optog deelgeneem.
Volgens ʼn lid van die gemeenskap wat aan die optog deelgeneem het, was daar sowat 1 000 voertuie, 4 000 mense en 300 trekkers wat aan die optog deelgeneem het.
Die boere het in hul voertuie by al vyf ingange na die dorp byeengekom en saam na die hof opgeruk.
Swart kruise en baniere is op die voertuie geplak met woorde daarop soos “Waar trek jy die streep?”, “Geen boer, geen kos, geen werk, geen toekoms”. Vergrote foto’s van Alwyn en René is ook ten toon gestel.
“Dit is ’n hoendervleis-oomblik om te sien hoe duisende boere saamstaan vir een doel,” sê een van die boere wat aan die optog deelgeneem het.
“Hoewel dit baie hartseer omstandighede is wat ons bymekaarbring, is dit verblydend om te sien dat lede van die gemeenskap hulle al hoe meer teen plaasaanvalle verset,” sê Andries Opperman, AfriForum se veiligheidskoördineerder vir Limpopo.
Die optog is deur die Transvaalse Landbou-unie (TLU SA) se Potgietersrus-distrik gereël.
‘n Trekker met bale op (Foto: Verskaf)
Kobus Briel, René se skoonseun, sê die familie waardeer die optog en die moeite wat die boere van die gemeenskap vir hulle doen. Hy het ook aan die optog deelgeneem.
Briel sê René het intussen na die dorp (Naboomspruit) getrek en woon nie meer op die plaas nie. Hy sê dit gaan goed met haar in die omstandighede.
Maroela Media het vroeër berig Alwyn was een van die stigterslede van die Naboomspruit Boerevereniging. Hy was ook ’n aktiewe lid van TLU SA.
Boere van die gemeenskap sal hom as ’n boer met ’n opregte, goeie hart onthou wat “nie ’n vlieg skade sou aandoen nie”.
-
- Boere het selfs op perde aan die optog deelgeneem (Foto: Verskaf)
-
- Duisende het in konvooi na die hof saamgetrek (Foto: Verskaf)
-
- Duisende mense het saam na die hof opgetrek (Foto: Verskaf)
-
- Foto: Verskaf
-
- “Waar trek jy die streep?” vra die boere (Foto: Verskaf)
-
- Honderde trekkers het aan die optog deelgeneem (Foto: Verskaf)
-
- Duisende mense het saam na die hof opgetrek (Foto: Verskaf)
-
- Boere het hul trekkers en waens ingespan vir die optog (Foto: Verskaf)
-
- Boere het op hul trekkers, in vragmotors, bakkies en selfs met plaasimplemente deelgeneem (Foto: Verskaf)
-
- Boere het by die ingange van die dorp byeengekom (Foto: Verskaf)
-
- Boere het ook in hul vragmotors na die hof opgeruk (Foto: Verskaf)
-
- Alwyn en René se foto op ‘n trekker opgeplak (Foto: Verskaf)
-
- Boere is keelvol vir plaasaanvalle en -moorde (Foto: Verskaf)
-
- Boere het hul trekkers en waens ingespan vir die optog (Foto: Verskaf)
-
- Boere het hul trekkers en waens ingespan vir die optog (Foto: Verskaf)
-
- Alwyn en René se foto is orals te sien (Foto: Verskaf)
Nou begin ons boere wee moet kry as ons so saam staan ek kan begin hoop sien
Dankie aan al die boere, ons wat nie boere is nie staan saam, die euwel moet end kry
Here, beskerm asb al ons boere, hul gesinne, hul getroue werkers sowel as ons almal in hierdie pragtige land Suid-Afrika wat so verwoes word deur ‘n onbevoegde ANC Regering.
Zimbabwiers, seker illegal in die land, nou moet my en jou belasting geld gaan om vir sy mediese sorg te betaal, Suid Afrika die land van melk en heuning! TROTS OP JULLE BOERE
Ons bid dat die wereld sal raak sien wat in Suid-Afrika aangaan.
Die tyd is baie naby dat die verkeerde kant van die wet gehoorsame boere gesien gaan word, dan is die tyd vir mooipraat en verduidelik verby.
Buitelanders? Borg? Bye-Bye, sal hulle nie weer sien nie.
En daar kan met trots gesê word dat nie een asblik omgegooi is, vensters gebreek is of voertuie gebrand is nie…..
Hartroerend. !!!!!!!! Hoop die vervlakse regering sien dit ( wou `n sterker woord gebruik ) veral die geagte hoed minister van Polisie
Hartseer dat ons in ons eie land optogte moet reel om te oorleef.
Dit saai n sterk beeld uit, hierdie is mense wat iets vir die samelewing beteken, hoekom daar nie deur die regering lankal iets drasties aan gedoen is nie, is baie hartseer.
Diegene wat hierdie dade pleeg gaan nie deur n samelewing gemis word nie, hoop ons kan almal van hulle verwyder van ons starte af.
Nou begin ek hoop kry tsv hartseer en verlies
En weereens SWYG Rampspoedphosa. Indien die slagoffer ‘n ANC, SAKP of EFF ondersteuner was het hy ‘n staatsbegrafnis gekry en is daar lewenslange finansiële bystand aan sy familie gegee. Sonder vrees vir teëspraak, die ANC is BESLIS plaasmoorde goedgesind.
Ek is sooo trots op jul boere, ek bly nou in die stad, maar het op n plaas groot geword. Ek sien al jul boere so saam, my hart brand om op n plaas te wees weer. Ons bid dat onse Vader ons sal help en ons beskerm, om weer in die veld voor Sy aan gesig te kan verskyn en met n oop hart en geen vrees kan bid tot ons Vader. Dankie vir wat jul boere doen ek is in hart en siel by jul.
Jy kan nou sien die boere is GATVOL! Mooi man. Ek wens ek kon, en kan daar gewees het, maar sal hier in die Kaap seker maak ek maak my stem dik as plaas moordenaars in die hof verskyn. Boere, ons wat in die stad bly sal waar ons kan by julle uitkom, en saam met julle betoog.
ek salueer elke boer, man & vrou, wat in hierdie optog was, ons kan saam staan en met Abba Vader in beheer hierdie oorlog teen terrorisme wen!
Tyd om meer optogte te begin hou
Teen plaasaanvalle, korrupsie, kwotasport ens
Die regering en hulle kaders het nou lank genoeg vir ons gelag
Ek hoop so of muskien sing hulle net nog a song
Ons woon tans in die buiteland – ons maak ‘n punt daarvan om plaasmoorde onder mense se aandag te bring!
Ontsaglik baie dankie vir die bewusmaking in die buiteland. Dit word so waardeer. Hou ons asb in jul gebede. Die land bloei en ons het gebede bitter nodig.
Ek neem aan daar was geen brandende bande, eiendomsbeskadiging of plundery nie!
So trots op julle dankie, hoendervleis trots.
Ek.glo iemand se ogies begin oop gaan n boer en sy roer druk jy net tot op n sekere pint dan het hy genoeg gehad vra ma die pomies
Dit was uit en uit die moeite werd, hoendervleis as die dorp tot stilstand kom, almal, blank en nie blank neem fotos en videos. Die gevoel van ons is een.
Dit moet nou honderde duisende word . Of dit op ‘n plaas is of nie . Dit is duidelik haat moorde .
Dit is iets om op trots te wees. Ordentlikheid en opstaan teen dit wat ons mense uitroei. Boere en almal wat daar teenwoordig was – ons in die stede en dorpe is SO trots op julle. Mens kan sien watter opvoeding hier praat. Hou so aan en in ons gebede is elkeen van julle
Ek kry hoendervleis en trane in my oe as ek dit sien. Dit is WOW. Ek wil ook net noem … kyk mooi na al die fotos … sien julle enige geweld, goed wat gebrand word, toy-toy?? Wys jou, ons kan op ‘n VREEDSAME manier wys ons is ongelukkig. Net jammer dat “party mense” hulle rug draai op die boere wat so vermoor word. Tragies … om te dink “hulle” kan doen en se net wat “hulle” wil maar laat ons dit nou waag … genadetjie tog.
Kyk word gese oor die “haatspraat” teenoor boere en wat is die MRK se antwoord. Wat doen die polisie in elk geval? Neem mense inhegtenis wat onwettig sigarette verkoop waarvan hulle net so skuldig is.
Kyk na die post van Veli Mdluli, waar daar gese word “NOT ENOUGH RACIST FARMERS ARE DYING AT A GOOD RATE. GET THEM BOYS” maar oooo wee, laat ons nou so iets post. Wat noem ‘n mens dit????