Durbanse moskee in ligte laaie

Omstanders kyk toe terwyl die vlamme geblus word. (Foto: Twitter)

Brandbestryders het Maandagmiddag vlamme by die Juma Masjid-moskee in die Durbanse sakesentrum geblus. Dit is egter nie in dié stadium duidelik of die brand aanvanklik by aanliggende woonstelle of in die moskee self uitgebreek het nie.

Garrith Jamieson, woordvoerder van Rescue Care, het aan Maroela Media gesê paramedici is net ná 12:00 na ’n toneel op die hoek van Denis Hurleystraat (voorheen bekend as Greystraat) en Dr. Yusuf Dadoostraat (voorheen bekend as Queenstraat) ontbied.

Brandbestryders was in dié stadium reeds besig om die vlamme by die moskee te blus.

Rook borrel Maandagmiddag uit die Juma Masjid-moskee. (Foto: Twitter)

Volgens Jamieson is enkele pasiënte op die toneel vir rookinaseming behandel, maar geen beserings is aangemeld nie.

Die brand het vanmiddag groot verkeersopeenhopings in die gebied veroorsaak.

Die oorsaak van die brand is in dié stadium onbekend.

Die Juma Masjid-moskee is in 1930 voltooi en is die eerste moskee wat in Durban gebou

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

2 Kommentare

jongste oudste gewildste
Jaco

Brandende kerke is ‘n alledaagse ding in moslemlande….