Foto’s: Eise aan hof oorhandig ná Vaalharts-moorde

Gemeenskapslede het baniere wat hul ontevredenheid oor plaasaanvalle uitbeeld, aan hul motors vasgemaak en langs die pad laat rondwapper (Foto: Verskaf)

Honderde mense het Donderdagoggend in Hartswater byeengekom om stem dik te maak oor die moord op Dan (83) en Breggie (79) Brand en hul dogter Elzabie die afgelope naweek.

Lede van die gemeenskap het van Jan Kempdorp, Magogong en Hartswater in hul plaasbakkies, motors, vragmotors en selfs op hul trekkers by die Hartswater-landdroshof byeengekom. Die vyf verdagtes wat vasgetrek is in verband met die moorde op die Brand-gesin sal na verwagting Donderdag in dié hof verskyn.

Die gemeenskap het ʼn memorandum aan die staatsaanklaer by die hof oorhandig waarin hulle eis dat plaasaanvalle en -moorde end kry en dat borgtog nié aan die vyf verdagtes toegestaan sal word nie.

Maroela Media het vroeër berig die Brand-egpaar se liggame is Dinsdagmiddag in die omgewing van die Takaneng-nedersetting in Taung in Noordwes gevind. Elzabie se liggaam is vroeër in dieselfde omgewing opgespoor.

Die Vaalharts-gemeenskapsveiligheidseenheid en die Noord-Kaap Landbou-unie het kragte saamgesnoer om dié optog te reël. Ná vergaderings met die polisie, die verkeersdepartement en die Hartswater-landdroshof se staatsaanklaer is goedkeuring gegee dat die byeenkoms kan voortgaan.

“Die hele Vaalharts-gemeenskap is geruk deur die Brand-gesin se wrede moorde. Dit het in ʼn oogwink hier onder ons neuse gebeur. Ons gaan plaasaanvalle en -moorde nie langer duld nie,” sê Frederik van Zyl, ʼn veiligheidsverteenwoordiger van die Vaalharts-gemeenskapsveiligheidseenheid.

Van die motors wat voor die Amaglug-vulstasie in Hartswater byeengekom het (Foto: Verskaf)

Volgens Van Zyl het lede van die gemeenskap om 07:30 voor die hospitaal in Jan Kempdorp, by die Amaglug-vulstasie in Hartswater en by die skougrond in Magogong byeengekom. Hulle het van daar in hul voertuie na die Hartswater-landdroshof beweeg. Lede van die gemeenskap het baniere wat hul ontevredenheid oor plaasaanvalle uitbeeld, aan hul motors vasgemaak en langs die pad laat wapper.

Die motors het amper ʼn uur lank om die landdroshof gery. Hulle het daarna by die Bean-restaurant en voor die Hartswater Klein Kerkie byeengekom, waar hulle nou wag vir die landdros se uitspraak.

Die reëls vir die optog is vooraf duidelik uiteengesit vir diegene wat aan die optog wou deelneem. Slegs twee persone, met maskers, word per motor toegelaat. Vuurwapens, haatspraak of aanstootlike baniere of kennisgewings is verbied.

Philip Schutte (27), ʼn Vaalharts-inwoner wat aan die optog deelgeneem het, sê hy voel trots om as Suid-Afrikaner deel van die optog te wees.

“Ons is woedend en raadop. Ek het besluit om aan die optog deel te neem, want dit is ons eie mense wat aangeval en vermoor word. Al is almal nie familie of kennisse nie, is al ons boere maar familie. Sonder hulle sal die land nie aan die beweeg kan bly nie,” sê hy.

Die gemeenskap van Hartswater is uitmekaar geruk van die moorde op die Brand-gesin (Foto: Verskaf)

Sy broer, Marius (30), wat ook aan die optog deelgeneem het, sê dit was wonderlik om te sien hoe so ʼn klein gemeenskap kan saamstaan. Hy sê die optog was vreedsaam en goed georganiseerd.

“Dit is nie nodig om met ʼn optog te verbrand of te verbreek nie. Verkeer is wel ʼn bietjie opgehou, maar hier was geen geweld of beskadiging van eiendom nie. Almal is rustig en is hier vir een rede,” sê hy.

Die twee broers sê hulle hoop die optog skep bewustheid.

“Plaasaanvalle en -moorde raak net al hoe erger en [vind] meer gereeld [plaas]. Dus moet iets drasties daaraan gedoen word. Die wêreld moet begin besef wat in ons land aangaan. Ons boere leef daagliks in vrees; hulle gaan slaap met die gedagte dat iets deur die nag kan gebeur en deesdae sommer deur die dag,” sê Philip.

Die Brand-gesin is vermoedelik Sondag al ontvoer tydens die aanval op ʼn kleinhoewe in die Vaalharts-besproeiingskema naby Hartswater in die Noord-Kaap.

Vier verdagtes is laat Maandagaand in hegtenis geneem en ʼn vyfde verdagte is Dinsdag aangekeer. Sommige van die verdagtes het glo erken hulle het die egpaar en hul dogter vermoor en het toe aan die polisie begin uitwys waar die liggame gevind kan word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

17 Kommentare

JohanR ·

Waar IS ons Onder President Cyril Ramaphosa? Die President Nkosazana Dlamini-Zuma het gese hy mag nie gaan nie!

Kiewiet ·

EFF kyk hoe skitter “our People” in hulle afwesigheid. Pasop die regverdiges van die land is besig om kwaad te word.

Adeline ·

“Black Matters” Daarom dit is wit plaasboer familie nie “Black” nie. Hoe kan mense die onmoontlike verwag van die korrupte rassistiese anc familie. Onthou “Black Matter” Wonner nou of die “Black Matter” sport ondersteuners ook hier deelneem!!

Piet ·

Hulle mors hulle tyd om te wag vir die landdros se uitspraak. Geen borgtog sal vandag toegestaan word nie en hulle sal in aanhouding bly. Vir ‘n ernstige aanklag soos moord moet ‘n formele borgaansoek gebring word (as hulle wel vir borg wil aansoek doen) en dit word nie maklik toegestaan nie. Die saak sal uitgestel word vir die borgverhoor (as hulle aansoek doen). Hulle bly in aanhouding.

LiveAndLetLive ·

As EFF wat ANC se vuil regter hand is – nie rasse haat aangepor het en steeds doen nie, sou die woord plaasmoorde nie bestaan het nie. One boer one bullet – Kill the farmer kill the boer – instede daarvan om n land te bou met een nasie een volk, doen hulle teenoorgestelde.

Leiers is hulle nie – sal nooit kan wees nie.

As hulle samewerking en vrede aangepor het, het hulle eie mense vandag ook daaruit gebaat – baie sad.

Ertjie ·

Alle eer aan die mense wie aan die optog deelgeneem het – dit wys n solidariteit en so n gebaar moet asb wyd bekendgemaak word. Laat die wêreld sien wat hier in SA aangaan, hoe ons mense uitgemoor word

Kokerboom ·

Dit bring nie lewens terug. Laat geregtigheid asb geskied.

Jakes ·

Kom ons kyk of die hof geloofwaardigheid aan die dag sal le en borgtog weier. Volgens die strafproseswet mag borgtog slegs in buitengewone uitsonderlike gevalle toegestaan word met hierdie tipe misdade maar ons het al voorheen gesien dat dit nie altyd nagekom word nie.

Janinke ·

Okay, Hulle het nie aansoek om borg gevra nie. die saak is uirgestel tot die 14de van Augustus. Ons sal dan weer daar wees.

J ·

Wys asb die fotos van die 5 moordenaars sodat ons hulle kan identifiseer.

Hulle meelopers is net so gevaarlik … dis waar die rasse-HAAT ontstaan en groei!

Pieter ·

Dit is van al doe gepraat dat ons is waar ons is. As ons nie gaan standpunt in neem nie mense gaan dit nooit op hou nie. Die wat op die grens was sal weet jy onderhandel nie met n terroris of n komunis nie jy gaan sleg tweede kom.

Pieter ·

All Lives Matter- but our farmers muck more. (They feed us and support an eco-system. Black, white and any other race)

Oom Hennie Pennie ·

Ons mense moes lankal begin saamstaan het! Pragtig Hartswater!

Vonkprop ·

Volgens Ramaphosa en die ANC se logika kry hulle hulle kos van winkels en nie van boere nie en solank winkels kos het sal hulle nie betrokke raak nie. Hulle leefstyl maak hulle blind vir ons alledaagse mense se probleme. Solank hulle dit nog nie persoonlik voel nie sal dit hulle nie pla nie. Ek wil so vêr gaan as om te sê ek dink nie eens kleur speel ‘n rol by die ANC nie. Dit is eerder arrogansie. Hulle voel niks vir mense in die algemeen nie, punt. Kyk hoe sukkel “our people” nog steeds in plakkerskampe. Al hoekom hulle meer vir “our people” doen is omdat hulle goed brand en breek en die ANC probeer dinge kalm hou. Ons sal net ernstig opgeneem word as ons ook goed breek en brand, maar net jammer ons is beter groot gemaak. Aan al die boere, ek wens ek kon meer doen om julle te help en as die geleentheid kom om julle te help is ek daar 100%.

Johanna Adriana ·

Ek salueer elke persoon wat deelgeneem het aan die optog om bewusmaking van wrede, sinnelose moorde! Respek en dank, Magogong en Vaalharts!

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.