Foto’s: En die nuwe Mej. SA is…

Mej. Suid-Afrika 2019, Zozibini Tunzi. (Foto: Miss SA)

Zozibini Tunzi (25) is Vrydagaand tydens ʼn glansryke geleentheid by Time Square in Pretoria as Mej. Suid-Afrika 2019 gekroon.

Dit het behoorlik ʼn naelbyt-stryd geraak nadat Tunzi, Kgothatso Dithebe, Sasha Lee Olivier, Eloïse van der Westhuizen en Nompumelelo Maduna as die top-vyf aangewys is.

Olivier (26) is as eerste prinses aangewys en sal die titel as Mej. Suid-Afrika oorneem indien Tunzi om watter rede ook al nie verder haar pligte as Mej. SA kan uitvoer nie.

Die gehoor was op hul voete toe ‪Tamaryn Green haar kroon aan Tunzi oorhandig het. Tunzi het gesukkel om die trane van blydskap terug te hou toe haar naam uitgelees is en die asemrowende kroon op haar kop geplaas word.

Catriona Gray, Mej. Heelal 2018 en een van die beoordelaars, op die verhoog saam met Bonang Matheba, aanbieder van Mej. SA 2019. (Foto: Miss SA)

Die kroon, genaamd Buhle, is deur die plaaslike juweliersontwerper Johan Louw ontwerp en deur “die skoonheid van ʼn reënboog” geïnspireer. Die kroon bevat meer as 2 500 sirkonium-stene wat altesaam 182 karaat weeg.

Behalwe die pragtige kroon ontvang Tunzi ook R1 miljoen kontant, asook ʼn reeks ander pryse onder meer die gebruik van ʼn luukse woonstel in Sandton tydens haar tyd as Mej. SA, ʼn splinternuwe Mercedes Benz-motor, skoene en klere, asook naelsorg, haarsorg en tandheelkunde-behandelings vir die volgende jaar. Olivier ontvang ʼn kontantprys van R250 000 en elk van die 16 finaliste ontvang R25 000.

Die top-vyf

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

52 Kommentare

jongste oudste gewildste
Johrné

Baie geluk!

Gert van Wierdapark

Moenie verbaas wees as die “woelig” OB die uitslag gaan ondersoek nie! He-he-he

Madeleine

Sys pragtig!

Essie

Nie my keuse nie

Klakouse

Jy hoef nie afrikaans te praat om die titel te wen nie. Praat Tamryn Green of Demi xhoza of zulu?