Foto’s en video: Een sterf in Jhb-busongeluk

Reddingswerkers besig om passasiers te help.

Reddingswerkers besig om passasiers te help. Foto: @jozi117 op Twitter.

Die video en meer foto’s volg onderaan die berig.

Een persoon is dood en ten minste 65 mense word behandel vir verskeie beserings nadat twee busse Vrydag in Johannesburg reg van voor gebots het.

Russel Meiring, woordvoerder van ER24, het op die toneel gesê die ongeluk het in Jan Smutsrylaan in Saxonwold plaasgevind.

“Die persoon wat dood is, is vermoedelik een van die busse se bestuurders,” het Meiring gesê. “Die pasiënte wat behandel word het matige tot kritieke beserings opgedoen.”

Paramedici van ER24 en ander nooddienste is steeds op die toneel besig om die pasiënte by te staan en na nabygeleë hospitale te vervoer vir verdere behandeling. Beamptes van Fire and Rescue Services is besig om sommige mense, waaronder ʼn swanger vrou, uit die busse uit te sny.

Die oorsaak van die ongeluk is nog onbekend.

Lees die opvolgberig hier.

 

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

3 Kommentare

jongste oudste gewildste
Blondie

Ek verstaan nie. Die busse is dan soooo grooot, hoe kan die bestuurders dit dan miskyk in die aankomende verkeer?

Natascha

Ek het intussen op ‘n radio berig gehoor dat die swanger vrou ook oorlede is. Dis so tragies want dit beteken dat haar ou babatjie ook nie gebore gaan word nie. Verder het hulle oor die radio genoem dat dit ‘n kop aan kop botsing was. Mens kan sit en bespiegel oor hoe die ongeluk plaas gevind het maar op die ou end van die dag is 3 lewens geneem weens iemand se nalatigheid.

Peet Schabort

Skynbaar het die een bus die randsteen raakgery, rigting (balans) verloor en het die busbestuurder oorkorrigeer.