Candice Abrahams word gekroon as Mev Wêreld 2016 (skermskoot uit die video)
Mev. Suid-Afrika, Candice Abrahams, is Saterdag in China aangewys as die mooiste getroude vrou in die wêreld en sy is gekroon as Mev. Wêreld 2016.
Abrahams het Mev. Pole by die Goodview Hotel Tangxia in Dongguan uitgestof om die titel te verower. Mev. Amerika, Korea en Kanada was deel van die topvyf.
“Ons is oorstelp van vreugde dat Candice dié gesogte titel ontvang het,” het Joani Johnson, uitvoerende hoof van Mev. Suid-Afrika, gesê. “Dit is iets waaraan ons gewerk het sedert sy verlede jaar in Oktober as Mev. Suid-Afrika gekroon is. Ons was oortuig dat sy die titel kon wen en dit is ʼn oorweldigende oomblik vir die hele span dat Candice haar internasionale doel bereik het.”
Abrahams het die gehoor gaande gehad met haar Werner Dey-aanddraguitrusting. Sy was ook ʼn gunsteling in die nasionalekostuumkategorie danksy Anel Botha wat ʼn uitrusting ontwerp het wat simbolies was vir die Suid-Afrikaanse natuurlewe met ʼn besonderse hooftooisel deur Riana Conradie.
“Wat ʼn eer om die kroon huis toe te bring,” het Abrahams gesê. “Dit was nog altyd my droom om as Mev. Suid-Afrika aangewys te word en om my land op ʼn internasionale verhoog te verteenwoordig. Dit is die kersie op die koek van al my prestasies die afgelope jaar. Ek sien daarna uit om Suid-Afrika en die kontinent trots te maak, net soos Rolene Strauss tydens haar kroning as Mej. Wêreld gedoen het.”
‘n Video van die kroning volg onderaan die foto’s.
-
- Die Suid-Afrikaner, Candice Abrahams, is op 12 Maart 2016 in China aangewys as Mev Wêreld (Foto: Candice Abrahams, Facebook)
-
- Die Suid-Afrikaner, Candice Abrahams, is op 12 Maart 2016 in China aangewys as Mev Wêreld (Foto: Candice Abrahams, Facebook)
-
- Die Suid-Afrikaner, Candice Abrahams, is op 12 Maart 2016 in China aangewys as Mev Wêreld (Foto: Candice Abrahams, Facebook)
-
- Mev. Wêreld 2016, Candice Abrahams, saam met Mev. Wêreld 2015 (Belarus) en Mev. Amerika (Foto verskaf)
-
- Die Suid-Afrikaner, Candice Abrahams, is op 12 Maart 2016 in China aangewys as Mev Wêreld (Foto verskaf)
-
- David Marmel (direkteur van Mev. Wêreld), Joani Johnson (uitvoerende hoof, Mev. Suid-Afrika), Candice Abrahams (Mev. Wêreld 2016) en Elaine Marmel (verteenwoordiger van die Mev. Wêreld-organisasie) (Foto verskaf)
-
- Candice Abrahams, Mev Wêreld 2016, in haar nasionale kostuum ontwerp deur Anel Botha met ʼn besonderse hooftooisel deur Riana Conradie
Daai vrou in die rooi rok is erg mooi.
Ja sy is mooier as Candice.
Karolis? Theresa? WAAAAT??
Karolis en Theresa – gelukkig is julle nie die beoordelaars nie en dit gaan ook nie net oor “mooi” nie, maar baie ander dinge. Baie geluk Candice – jy is ‘n waardige wenner!
Moet saam met julle stem, die dame met die rooi rok is beslis mooier. (Of die blond nou uit n bottel kom of nie) .
Sy is Mrs world 2015
Baie geluk!!!!!
Uitstekend baie geluk!
´n Baie mooi vrou. Baie geluk!
Sy is regtig baie mooi…
Pragtige vrou en ook geluk aan Werner Dey en Anel Botha met die lieflike rokke. Sy het asemrowend mooi gelyk.
Ons is vandag Trotse Suid- Afrikaners… vir 2 keer in n ry, vat ons Mej S.A die kroon. vir die titel .. ons baie trots op jou Candice… jy het pragtig gelyk.. Well Done…
Baie mooi en geluk. En die 2 wat se die vrou in die rooi is mooi, jammer maar almal gee nie voorkeur aan blondines nie, veral nie as dit uit ‘n bottel kom nie. Ek is trots om te se sy is ons Mev SA.
Nee wat, die vrou in die rooi rok is veel mooier as Candice.
ek is geneig om saam te stem met die rooi rok bokkie opsie.
Pragtige vrou en rok. Die ontwerper is Werner DEY en nie DAY nie.
Dagsê Ronnie
Ons vra om verskoning vir die fout, die berig is gewysig.
Groetnis
Suné
nms Maroela Media
Veels geluk Candice!
Jy maak SA trots in moeilike tye!
Darem ‘n stukkie goeie nuus!
Geniet jou jaar as Mev Wêreld!
Karakter tel meer as “mooi”
Sug… die een in rooi het nie eers die jaar deelgeneem nie; sy is ou nuus van laasjaar. Candice is smeulend mooi en waardige wenner