[Foto’s en video] Persone steeds vasgekeer onder puin by Jhb-hospitaal

'n Gedeelte van die dak by Charlotte Maxeke-hospitaal het op 2 Maart 2017 ineengestort (Foto: ER24)

‘n Gedeelte van die dak by Charlotte Maxeke-hospitaal het op 2 Maart 2017 ineengestort (Foto: ER24)

Vermoedelik minstens drie persone is steeds onder puin vasgekeer nadat ‘n gedeelte van die dak Donderdag by die Charlotte Maxeke Akademiese Hospitaal inmekaargestort het.

Russel Meiring, woordvoerder van ER24, het gesê reddingspanne moes van spesiale toerusting gebruik maak om verskeie punte van die gebou te stabiliseer vir verdere veiligheid. Die reddingspanne maak van die honde-eenheid gebruik om te bepaal waar persone moontlik onder die puin vasgekeer is.

Die dak het Donderdagmiddag by die hospitaal in Parktown, Johannesburg, ineengestort tydens konstruksiewerk om lekkasies te herstel. Werkers en pasiënte is vermoedelik onder die puin vasgekeer.

Arnold Malotana, hoofdirekteur van die Gautengse departement van gesondheid se nooddienste, het aan African News Agency (ANA) gesê dat die gedeelte van die dak naby die hoofingang ineengestort het tydens herstelwerk.

“Die kontrakteurs was besig om die dak te herstel toe dit ineengestort het,” het Malotana gesê. “Van die kontrakteurs en vermoedelik drie pasiënte is onder die puin vasgekeer. Niemand is nog gevind nie.”

Verskeie paramedici was op die toneel om die beseerdes te behandel. Die betrokke gebied is afgesper vir verdere ondersoek.

Nana Radebe, woordvoerder vir Johannesburgse nooddienste, het gesê een persoon is na ʼn nabygeleë hospitaal geneem vir verdere behandeling.

Die Gautengse departement van gesondheid het in ʼn verklaring gesê die dak naby die kraamsaal het ineengestort.

Jack Bloom, woordvoerder van die Demokratiese Alliansie, het gesê die hele hospitaal moet dringend ondersoek word om te bepaal of dit veilig is. Hy het gesê hy het vantevore al die kwessie oor die strukturele defekte op die gebou se vyfde vloer aangeroer. Volgens hom benodig die vloer minstens R50 miljoen se dringende herstelwerk. “Die personeel by die hospitaal is vantevore gewaarsku oor dakke wat lek en ander strukturele probleme in die gebou.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Carel

Tipies van leiers van hierdie land: Hulle glo nie in onderhoud van wat hulle het nie. Maklikliker om pelle en broers aan te stel om beskikbare fondse te parasiteer. Krisisbestuur laat hulle belangrik voel. Daar kom nog baie sulke gevalle. Hou dop!

Alida

SKANDE OP SKANDE !

Valie

Let op die betonlaag bo-oor die “IBR” sinkplaat! Wie is die idioot wat voorheen aan daardie dak gewerk het?

Johannes van Staden

Weerspieel maar die wankelrige situasie waarin SA homself bevind met onkundige mense wat nie wil hoor nie en almal anders blameer …en daar het jy dit nou !

Goa ya katse

Moenie ons waarskuwing teen gevaar nie. Ons is nie kinders nie

ONS SAL.SELF DIE PROBLEEM OPLOS