Foto’s: Groep vas oor trok wat brand

Só het die vragmotor Dinsdagoggend 14 Julie 2015 gelyk Foto: SAPD (verskaf)

Só het die vragmotor Dinsdagoggend 14 Julie 2015 gelyk Foto: SAPD (verskaf)

Ses verdagtes is in Burgersfort in Limpopo in hegtenis geneem op aanklag van opsetlike saakbeskadiging nadat ʼn vragmotor op die R555 aan die brand gesteek is.

“Die pad na Burgersfort was Maandagaand versper weens die brandende vragmotor,” het kol. Ronel Otto, woordvoerder van die polisie, in ʼn verklaring gesê. “Die pad tussen Burgersfort en Eerstegeluk is toegemaak weens brandende bande en klippe wat die pad versper het.”

Niemand is beseer nie.

“Dit is die vierde vragmotor wat aan die brand gesteek is. Die polisie sal ondersoek of die verdagtes, wat in hegtenis geneem is, verbind kan word met die ander voorvalle,” het Otto bygevoeg.

Die persone sal na verwagting Woensdag in die Burgersfort-landdroshof verskyn.

Die pad is intussen skoongemaak, maar daar is steeds klippe en brandende bande op die Eerstegeluk-pad.

Bykomende beamptes van die eenheid vir openbare orde is ontplooi en monitor die situasie.

Die gemeenskap betoog glo oor ʼn pad wat gebou sou word, maar daar is nog nie enige teken daarvan nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

9 Kommentare

Johan ·

Kyk ek nou verkeerd maar is die fotos dieselfde vragmotor wat gebrand het ?

steelpoort ·

beslis 2 verskillende trokke. 1 by Eerste Geluk en die ander in Steelpoort. Woord op straat is dat die staking voortgaan vandag en vele ander voertuie/trokke ook beskadig.

Se net ·

Ja nee. Hulle beskadig ander mense se goed omdat die regering waarvoor hulle gestem het, nie dienste lewer soos beloof is nie. Nou is dit almal anders se skuld!! Ai tog. Die mense kan nie so lekker dink nie. Vernietig alles!! Dit is altyd die motoriste se skuld, of hulle betoog oor water, oor skole, of oor n pad…. Dit is die motoriste se skuld dat hulle dit nie kry nie. Nie hulle regeering se skuld nie!

Merelda ·

Dis twee verkillende datums se fotos daarom lyk hulle nie dieselfde nie Johan.

Peet Schabort ·

Dalk gedink dis Jan v Riebeeck se trokke.
Indien skuldig bevind wat dan ?
Lyfstraf en laat hom loop tot ‘n volgende keer. Een ofander tyd sal daar geluister word.

Se net ·

Liewe Lulu. Jy is reg. ek het vergeet van Jan van Riebeeck! Ha ha…

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.