Foto’s: Grondsoekers sak op Kaapse gholfbaan toe

Foto: Reclaim the City/Twitter

Lede van die organisasie Reclaim the City het Donderdag op Menseregtedag op die Rondebosch-gholfbaan in Mowbray toegesak.

Die organisasie voer aan die besetting is om protes aan te teken teen die Stad Kaapstad se mislukking om openbare grond vir bekostigbare behuising te herverdeel.

“Ons Grondwet is aangeneem om vir arm mense en die werkersklas die reg tot ordentlike behuising en gelyke toegang tot grond te verseker.

“Maar twee dekades later is ons beste grond steeds gekaap deur ʼn paar ryk mense terwyl die meerderheid swart en bruin inwoners steeds aan die buitewyke van die stad leef, ver van goeie infrastruktuur, dienste en werksgeleenthede,” voer Reclaim the City aan.

Foto: Reclaim the City/Twitter

‏Volgens dié organisasie is die Rondebosch-gholfbaan so groot soos 45 sokkervelde en sal duisende gesinne op die grond gehuisves kan word.

Die klub huur die grond glo vir R1 000 per jaar by die Kaapstadse metroraad terwyl lidmaatskap by die klub sowat R15 000 per jaar beloop, aldus die organisasie.

Reclaim the City dring daarop aan dat die Stad Kaapstad die huurkontrak met die Rondebosch-gholfbaan beëindig en dat die grond herverdeel word vir bekostigbare behuising.

Die organisasie meen indien die stad nie hieraan voldoen nie moet die provinsiale of nasionale regering die grond onteien.

Die organisasie het geëis dat Ian Neilson, onderburgemeester van Kaapstad, teen 13:00 by die gholfbaan moes opdaag en antwoorde gee op hul besware. Hulle voer aan Neilson is die ware mag wat in beheer is van die stad se finansies en grond. Die onderburgemeester het egter nie opgedaag nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

60 Kommentare

jongste oudste gewildste
Johan

Dis die ou storie
WE DEMAND!!

Snoopie

Kan jy nou meer! Hierdie vragvol krewe is beslis nie golfspelers nie.

Jo B

Hier kom ‘n ding. Ek is bevrees dis die begin van ‘n lelike ding. Al ons gholfbane is nou in die spervuur. WAT NOG????… As ons weer kyk wil hulle in ons tuine kom bly.

dink hardop

Leon Schuster was in die kol met sy grap in die rolprent Panic Mechanic

johanII

Welkom Kaapstad, in die SA waarvoor jul so hard geveg het.