[Foto’s] Gyselaarsdrama ontvou by Lichtenburg-munisipaliteit

‘n Gyselaarsdrama ontvou in Lichtenburg (24 Mei 2017) Foto: SAPD, Noordwes

ʼn Gyselaarsdrama is besig om by ʼn munisipaliteit in Lichtenburg in Noordwes te ontvou waar ʼn groep die burgemeester gyselaar hou en reeds die gebou aan die brand gesteek het.

Brig. Sabata Mokgwabone, woordvoerder van die polisie, het gesê ontstoke lede van die gemeenskap by Ditsobola-munisipaliteit het die burgemeester Daniel Buthelezi gyselaar geneem. Hulle het die gebou daarna aan die brand gesteek.

“Die groep het vroeër van die raadslede, vermoedelik lede van die uitvoerende komitee, vrygelaat, maar hulle het nog nie die burgemeester vrygelaat nie,” het Mokgwabone verduidelik. “Die groep het ook gedreig om hulself aan die brand te steek.”

Hulle het ʼn lang lys griewe en klagtes oor swak dienslewering in Ditsobotla.

Daar is tans ʼn groot polisieteenwoordigheid op die toneel en die polisie probeer om die veilige vrylating van die burgemeester te verseker.

Marius Müller, nasionale veiligheidskoördineerder van AfriForum, het om 20:50 aan Maroela Media bevestig die brand is intussen geblus, maar die gebou is vol rook. “Die persone word binne die stadsraadsaal aangehou. Die polisie wag nog vir ʼn taktiese eenheid om moontlik die burgemeester te kom bevry.”

Hy het gesê dit is privaat persone wat die brand geblus het, aangesien daar geen werkende brandweerwaens in Lichtenburg beskikbaar is nie.

“Sodra die persone nader beweeg, word hulle egter met petrolbomme bestook,” het hy gesê. Die groep het ook gedreig om weer die gebou aan die brand te steek indien enigiemand die gebou sou betree.

Jacqueline Theologo, DA-hoofsweep van die Noordwes-wetgewer, het gesê dit is ʼn groep van ongeveer 40 persone wat die burgemeester gyselaar geneem het.

“Daar is tans ʼn groot polisieteenwoordigheid op die toneel en ons loof die polisie. Ons verwag dat die polisie op ʼn professionele manier die veilige vrylating van die burgemeester sal verseker sonder enige bloedvergieting,” het Theologo gesê. “Nooddienste en ander gemeenskapslede blus die brand met behulp van privaat maatskappye se brandbestrydingspanne en -toerusting.”

Sy het gesê die gyselaarsituasie is “absolute wettelose gedrag in ʼn demokratiese samelewing en moet veroordeel word”. “Ons verstaan dat persone keelvol is vir swak dienslewering wat hulle van die ANC-regering af kry. Reg oor Noordwes het die ANC absoluut hul plig versuim, maar geweld en gyselaarsituasies sal nooit diensleweringsprobleme oplos nie. Dit kan slegs deur ʼn verkiesing plaasvind waar ʼn mislukte regering uitgestem word.”

Theologo het gesê die DA veroordeel die gedrag ten sterkste.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

34 Kommentare

jongste oudste gewildste
Ai

Mooi, en hoe dink hulle gaan enige dienste gelewer kan word as hulle die munsipaliteit afrand? En wie dink hulle gaan moet betaal vir die herstelwerk?

JP Smit

Ons land is in sy peetjie. Suid Afrika is een van die top 10 gevaarlikste lande ter wêreld en Kaapstad een van die 15 gevaarlikste stede ter wêreld. Almal doen net wat hulle wil.

Sonja

Hulle is vreeslik verontwaardig oor swak dienslewering v ANC…. maar hulle stem dan vir hulle…

Pieter Swanepoel

NOU MNR DIE MINISTER VAN POLISIE WIL EK WEET U SE ONS LAND IS N VEILIGE PLEK . PLAASMOORDE VERKRAGTINGS HIJACKING (TOT REGRING AMTENAAR EN BEVEILING GROEP POLISTASIES WORD GEROOF EN POLISIE KARRE GEHIJACK . SANGERS WORD AF GEMAAI EN NOU DIE HOE VEILIG IS ONS REGTIG VERKLAAR U DIE WOORD VEILIG ….ONS WIL GRAAG WEET

Cherokee

Dit bly beredeneerbaar of mense wat nie dienstegeld betaal nie werklikwaar kan staak oor swak dienslewering of vir beter dienste.