Foto’s: Haelstorms tref Mpumalanga

Haelkorrels in Middelburg (Foto: Twitter)

Haelkorrels, sommige so groot soos gholfballe, het Vrydagmiddag in dele van Mpumalanga neergesak. Dorpe soos Middelburg, eMalahleni (Witbank), Kromdraai en Clewer het kort na middagete onder twee haelstorms deurgeloop.

Luidens inligting op Storm Report SA het haelkorrels tot so groot as 4 cm in deursnee in sommige plekke geval. Talle foto’s van die groot haelkorrels word sedertdien op sosialemedia versprei.

“Baie skade is aan plante en bome aangerig. Dit het geklink soos ’n trein wat reguit op ons afpyl. Dit was ongelooflik,” het ’n sosialmediagebruiker op Twitter geskryf.

“Nou om alles op te ruim. Ten minste gee dit my iets om te doen [tydens die algehele landwye afsondering],” het die sosialemediagebruiker gespot.

From Helen GreeffWitbank eMalahleni North, hailstorm.

Posted by Storm Report SA on Friday, 27 March 2020

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

9 Kommentare

jongste oudste gewildste
Cherokee

Ons is Durbanners sedert vroeg 2004, en tydens die afgelope 16 jaar, kan ek een insident onthou waartydens dit gehael het. ‘n Polisieman wat slegs Durban ken, het gevra “Is this hail?”. Sò onbekend is dit hier.

Marilize

Te kort aan glas om vensters reg te laat maak!

Johan Venter

Maar gisteraand het ons daar die ergste elektriese storm in 25 jaar binne 30 minuute beleef. Die water stroom oor die agterste gras, modderwater loop breed langs die huis verby. Takke lê die wêreld vol, die donder en slae galop hier oor die dak, klap om die huis en teen die ore, mens kan nie agterkom of dit voltreffers is nie, een of twee maal klink dit so, kragproppe is net-net betyds uitgepluk, die een so met die eggo in my ore, dan is mens op die knieë, die volgende oomblik staan jy op aandag. Ons is daardeur maar het… Lees meer »

Johan Venter

Marilize ek het idee ek weet waar jy werk, ons het al in die verlede persoonlik gesels. Maar ek het nou so ‘n dag of twee gelede hier van fisiese skades aan eiendom melding gemaak en vrae gevra of ons reg is daarvoor, toe beduie die mense mos vir my die veg van die virus is belangriker.

Nou as jy nie skuilplek teen die elimente van die natuur het nie, of jou eiendom wat beskadig is kan nie herstel word nie, is jy mos meer aan siektes en so voorts blootgestel!

Yvonne

Hael maak skade maar dit is ook water….by ons is dit so droog….Secunda….jammer vir skade wat dit gebring het.