[Foto’s] Kampsbaai-huis te koop vir meer as R440 miljoen

Foto: Sotheby’s International Realty

Foto: Sotheby’s International Realty

ʼn Huis, of altans “Suid-Afrika se duurste eiendom” soos dit bemark word, is te koop vir $35 miljoen (of nagenoeg R447 miljoen).

Die huis van 1,751 m² is op ʼn erf van 3,133 m² in Geneva-rylaan in Kampsbaai en staan bekend as “Casablanca”.

“Ontwerp en gebou vir ’n internasionale magnaat wat dit geniet om uitbundig en op ʼn groot skaal te onthaal,” lui die beskrywing op mansionglobal.com. Die huis word deur Lew Geffen Sotheby’s International Realty bemark en het agt slaapkamers, 13 volledige badkamers en twee groot onthaalvertrekke wat 1 000 gaste kan onthaal.

Die huis spog ook met ʼn motorhuis vir 14 voertuie, parketvloere en kandelare. Vir vermaak is daar ʼn agtiensitplek-fliekteater, ʼn Olimpiese grootte swembad en ‘n gimnasium. “Die eiendom het smeeysterboë en Juliette-balkonne regdeur, ’n ononderbroke see-uitsig met ʼn bergagtige agtergrond en die argitektuur is sowel paleisagtig as weelderig.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
marlene

Eish wens ek het net R40 000.00 gehad. “Bliss, absolete Bliss”.

Martin

Lyk Nkanla nie amper so nie?

AmY

Ek wil hê daai magnaat moet my aanneem!

Ludolf

kort Ramaposa nie dalk n huis in die kaap wat die belastingbetalers vir hom kan koop nie?

Faniwe

Ag nee, ek wil nie in so ‘n huis bly nie. ‘n Gewone huis is doodreg dankie!