Foto’s: Karoo se rondloperleeu gevang

Mufasa nadat hy gevang is. Foto aan Maroela Media verskaf deur Hester Obermeyer.

Die leeumannetjie wat verlede maand uit die Karoo Nasionale Park in die Wes-Kaap ontsnap het, is gevind.

Die leeu, wat intussen Mufasa gedoop is, is Woensdag sowat 20 km buite Sutherland gevind, het Reynold Thakuli, woordvoerder van SANParke, gesê.

Volgens Thakuli is die leeu omstreeks 18:00 vanuit ʼn helikopter met ʼn verdowingspyl geskiet. Mufasa is daarna na die Sutherland-polisiestasie se aanhoudingselle geneem waar hy oornag het.

Mufasa nadat hy gevang is. Foto aan Maroela Media verskaf deur Hester Obermeyer.

Die leeu sal na die park teruggeneem word sodra ʼn krat arriveer. Hy sal ook ʼn halsband kry voor hy weer vrygelaat word.

Mufasa het op 15 Februarie uit die park ontsnap nadat swaar reënval veroorsaak het dat grond onder die heining weggespoel het. Hy het glo onder die heining deurgekruip.

Mufasa het sowat 14 diere, insluitend ʼn eland en skape, platgetrek terwyl hy op vrye voet was. Fundisile Mketeni, uitvoerende hoof van SANParke, het almal wat by die soektog na Mufasa betrokke was, gelukgewens.

Mketeni het gesê hy is veral trots op die veldwagters wat die leeu nagespoor het, sowel as die ondersteuning wat van die boeregemeenskap en organisasies soos Bidvest Protea Coin Security ontvang is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

49 Kommentare

jongste oudste gewildste
corne

Hy was gelukkig nie n sel gedeel nie .Dankie aan die gemeenskap wat gehelp het.

Michelle

Wonder of die ander gevangenisse nie bietjie ongemaklik was met die meneer daar langs hulle nie☺

Gertryda

Bly hy is veilig
Wys jou net. Wildediere voel ingehok met enige heining groot of klein.
Hy is n free spirit.
Hy het seker by ouboet Sylvester geleer,
Kinders leer by ouers???

T

Ek besef dit moet gedoen word, maar tog kry ek die leeu jammer…

Theresa

Mofasa moes eet – so moenie kwaad wees vir hom nie. Julle moet hom goed behandel en kyk mooi na hom. Ek is seker dit was ook traumatiese ervaring vir hom. Ons pragtige diere is besig om stadig maar seker te verdwyn. Dit breek ‘n mens se hart.