[Foto’s] Klag gelê ná Facebook-uitlatings

Skermskote van Thandiswa Mawisa se profiel (Foto: Verskaf)

Die burgerregte-organisasie AfriForum het Woensdag strafregtelike klagte by die Lyttelton-polisiestasie teen die persoon agter die Facebook-profiel Thandiswa Mawisa gelê nadat dié profiel boodskappe van haatspraak, intimidasie en aanhitsing tot geweld gepubliseer het.

Die sogenaamde Thandiswa Mawisa het ’n foto van ’n ander Facebook-gebruiker se dogter afgelaai en dit daarna só aangepas dat dit lyk asof die kind in ’n skut se visier is.

Die woorde “Bullet between the devil eyes” [sic] is onderaan die foto ingevoeg.

Ernst Roets, adjunk uitvoerende hoof van AfriForum, sê hoewel AfriForum reeds honderde klagtes van haatspreek, intimidasie, rassisme en aanhitsing tot geweld op sosiale media ontvang het, is die organisasie geskok dat ’n onskuldige kind op só ’n wyse by dié debat ingesleep word.

“Ons het daarom besluit om die beëdigde verklaring onmiddellik in te dien,” Roets.

AfriForum het verder die SAPD versoek om die persoon agter die Thandiswa Mawisa-rekening te identifiseer en aan die pen te laat ry. Om die proses aan te help het die organisasie versoek dat die polisie gereelde terugvoer oor die aangeleentheid gee en ook alle hulp aangebied wat die organisasie moontlik kan gee.

“Ons het ’n toenemende geneigdheid onder mense opgemerk wat sosialemediaplatforms soos Facebook en Twitter gebruik om rassisme aan te wakker, dreigemente te rig en geweld aan te hits. Ons hoop van harte dat die polisie ’n deeglike ondersoek sal loods en die verantwoordelike persoon sal straf.”

AfriForum is tans besig om ander maniere te ondersoek om rassisme, haatspraak en ander oortredings op sosiale media hok te slaan.

Voorbeelde van rassisme, haatspraak en geweldaanhitsing kan na [email protected] gestuur word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

47 Kommentare

jongste oudste gewildste
dawie

Wat se Supra hiervan?

Tersia

Skokkend om te lees.

Emma

Ek hoop hy kry ook so groot boete soos Penny Sparrow gekry het. Betaalbaar in Afriforum se rekening !!

Christelle

Ag nee dis onnodig. Is vrede te veel gevra? Die son skyn oor almal…

Eddie

Baie dankie Afriforum vir julle goeie werk, ek is lid van julle en ondersteun julle 200 persent.