Foto’s: Kroningspark: Wit plakkers na ashoop geskuif

Munsieville. Foto: Gustav le Roux / Kingdom Welfare Projects.

Munsieville. Foto: Gustav le Roux / Kingdom Welfare Projects.

Die verskuiwing van nagenoeg 150 gesinne van die Kroningspark informele nedersetting na Munsieville in Krugersdorp is glo tydelik gestaak nadat bevind is dat hul nuwe tuiste glo onhigiënies, gevaarlik en nie geskik vir menslike bewoning is nie.

Die Mogale City-munisipaliteit het reeds ʼn hofbevel bekom om die inwoners te skuif en beplan om Kroningspark in ʼn multimiljoenrandse vakansieoord te omskep.

Amanda de Lange, raadslid van die Vryheidsfront Plus in Mogale City, het aan Maroela Media gesê die hofbevel bepaal dat die eerste groep inwoners van 1 November verskuif kon word en die tweede groep, gesinne met skoolkinders, teen middel Desember.

Die Rooimiere het verlede Woensdag begin om inwoners uit die park te verwyder en teen Maandag is nagenoeg 30 gesinne na Munsieville geskuif.

De Lange het egter gou ʼn stokkie daarvoor gesteek. “Die terrein waarop die hervestiging plaasvind, was ʼn ou vullishoop wat bloot gelyk geskraap is. Uit die gemors in die grond, wat duidelik nie gekompakteer is nie, blyk dit dat die gebied nie voldoende gerehabiliteer is nie. Daar is ook baie glasstukke wat ʼn gevaar vir die inwoners inhou,” het sy gesê.

“Strukture wat opgerig is, is lamlendig. Huise het min vensters en die dakke en mure het sulke groot gapings dat ʼn mens daardeur kan kruip. Die dakke is boonop met toue vasgebind omdat dit kort na oprigting begin afwaai het. Sinkplate is van so ʼn lae gehalte dat dit selfs skeur in die wind.”

De Lange het vroeër vandeesweek ʼn skrywe aan die munisipaliteit gerig waarin sy meld dat die omstandighede onhigiënies, gevaarlik en nie vir menslike bewoning geskik is nie, en dat dit teenstrydig is met die hofbevel. Sedertdien is daar nog nie weer enige gesinne verskuif nie.

“Ek weet egter nie of dit amptelik gestaak is totdat die omstandighede verbeter is nie, want ek het niks op skrif nie. Ek kry nie terugvoer van die munisipaliteit af nie,” het De Lange bygevoeg.

Sy het gesê die inwoners verwag nie voorkeurbehandeling nie en beveg ook nie die hofbevel nie. “Hierdie toestande is egter glad nie bevorderlik vir enige mens nie en ons vra net dat die mense na ʼn leefbare gebied geskuif moet word.”

Maroela het navraag by Mogale City gedoen en wag nog vir terugvoer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

34 Kommentare

jongste oudste gewildste
Estelle

Dit is absoluut onmenslik om te glo dat blanke mense daar moet bly! kyk vandag bietjie hoe lyk swart plakkerkampe! Breek mens se hart!

elsie gunter

Dis so hartseer. Dit gee mens koue rillings. Die mense is nie diere nie. Ons laat nie eers ons diere so leef nie. Hierdie mense het n slegte hou van die lewe gekry en omstandighede dwing hul om so te leef

Fires

Geen mens mag in sulke haglike omstandighede leef nie, ons land en sy standaarde is besig om met rasse skrede agteruit te gaan. Mens moet iets kan doen om te help!

Debbie

Gee vir hulle ook rdp huise, krag en water verniet…

Iemand

Dis baie hartseer dat enige iemand so moet leef, en die ergste vir my is dat die regering, die mense wie dié mense en soveel ander mense se lewens moet verbeter, hul self verryk en in kastele en spog huise bly, en elke maand meer geld kry as wat hul weet om daarmee te doen. Pleks die regering en mense in power ‘n bietjie van hul salarise toedien aan die stryd teen armoede, baie van hulle kan bietjie doen sonder die Mc Donalds elke aand. Dié behuising, soos by baie ander staats behuising, is nie op standaard nie, en soos… Lees meer »