[Foto’s] Man sterf toe motor deur Pta-huis ploeg

Die motor wat in die huis tot stilstand gekom het. Foto: Netcare 911

Die motor wat in die huis tot stilstand gekom het. Foto: Netcare 911

ʼn Bejaarde man is Dinsdagaand dood nadat die Mini Cooper waarin hy gery het, in ʼn huis in Pretoria ingeploeg het.

Xander Loubser, woordvoerder van Best Care-ambulansdienste, het Woensdag aan Maroela Media gesê die ongeluk het omstreeks 23:00 in Suiderberg, in die weste van Pretoria, plaasgevind.

“Die man het vermoedelik in ʼn westelike rigting in Irvinelaan gery, toe hy beheer oor die motor verloor en by die T-aansluiting van Dorpstraat deur ʼn erf se heining én ʼn huismuur gebars het,” het Loubser gesê.

Die motor het in die huis se sitkamer tot stilstand gekom. “Die man het ernstige hoofbeserings opgedoen en is op die toneel dood verklaar,” het Loubser gesê.

Paramedici van Netcare 911 was ook op die toneel.

Niemand in die huis het seergekry nie. Die omstandighede rondom die ongeluk word ondersoek. Die man se identiteit is nog nie bekend nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
Vra maar net

Spoed het ‘n besliste rol hier gespeel. Om deur ‘n heining en muur te bars veg dit dat die motor beslis bokant dit 60 k/m in die dorpsgebied gery het.
Meegevoel met bestuurder se naasbestandes en friende.

Paul

Het die huis nie meubels in gehad nie. Ek sien niks.

m

Spoed was verseker n faktor hier om so deur ‘n muur te kan jaag.

Benita

Ek verstaan dat elkeen van ONS Ma net mens is en Almal het hul opinie en is geregtig daarop….daar gelaat….Dit is my Oom Wat oorlede is en ja ONS Almal kan dink aan watse ernstige nagevolge Dit ook kon he, maar ONS is baie dankbaar niemand anders is betrokke of beseer. Kan Ek Groot asb vra dat elkeen Wat voel hulle wil hul opinie lig……dink asb aan die huisgesin, sy Vrou, pragtige 5 dogters en sy kleinkinders Wat dalk Jul opinies lees…..mens wil tog NIE Wanneer jou geliefde van jou geneem word, he Mense moet negatiewe dinge te se he… Lees meer »

Snip

Ek sal verseker my agterent afgeskrik het as iets skielik deur my vertrek te lande kom