Die geweer waarop beslag gelê is. Foto: Verskaf
ʼn 34-jarige man is Dinsdagmiddag in Pretoria in hegtenis geneem nadat ʼn .303-geweer in sy yskas gevind is.
Konst. Tumisang Moloto, woordvoerder van die Erasmia-polisie, het Woensdag aan Maroela Media gesê die man is omstreeks 15:00 in die Mooiplaas-omgewing, in die suidweste van die stad, in hegtenis geneem.
“Beamptes van die Erasmia-polisie se misdaadvoorkomingseenheid was besig met stop-en-soek-patrollies toe hulle ʼn wenk van gemeenskapslede in Mooiplaas ontvang het dat die verdagte ʼn geweer in sy plakkershut ingedra het,” het Moloto gesê.
Die polisie het die wenk opgevolg en op die verdagte se woning toegeslaan.
“Die polisie het die plakkershut deursoek en die .303-geweer in die yskas aangetref. Die man kon nie verduidelik wat die vuurwapen daar doen nie en ook nie ʼn vuurwapenlisensie aan die beamptes verskaf nie.”
Die man is in hegtenis geneem op aanklag van die besit van ʼn ongelisensieerde vuurwapen. Hy moet binnekort in die hof verskyn.
Moloto het gesê die vuurwapen sal vir ballistiese toetse gestuur word om vas te stel of dit met misdrywe in die omgewing verbind kan word.
Kapt. Thandi Mokgoetsi, die waarnemende stasiebevelvoerder, het die beamptes geloof vir hul flinke optrede wat tot die inhegtenisneming gelei het. Mokgoetsi het ook die gemeenskap bedank vir die wenk en die versekering gegee dat hegte samewerking tussen die gemeenskap en die polisie die beste “wapen” is om misdaad te bekamp.
Die verdagte. Foto: Verskaf
Maroela, hou ons asb op hoogte van wat hier gaan gebeur. Ons sal wil sien of hy dieselfde paadjie gaan loop as ander..
Dit laat mens koud!
Maar dis ń warm geweer!
SY TJOMME HET VIR HOM GESE HY MOET VIR HOM N “COOL GEWEER” KRY TOE MAAK HY N PLAN
Ek wed julle daai .303 kom van ‘n plaas af….
Is dit nie dalk n geweer wat die tyd ingehandig om te vernietig te moes word nie, rekords kan mos opgespoor word, hy wou seker van die afkoel periode vir amnestie gebruik maak deur dit in die yskas te sit. Slim idee
Die wettige eienaar van die geweer wat deur registrasie rekords opspoorbaar is sal die legkaart kan voltooi.
Daardie geweer is 10/1 tydens ‘n plaasaanval gesteel. Skerp speurwerk kan dalk sy oorsprong vasstel en die man met die plaasaanval verbind waar daar berig is dat “niemand nog in hegtenis geneem is nie”. Ek dink maar so.
Wil seker ‘n renoster gaan skiet!!
Ek sien hulle laat hom in die hoekie staan vir sy straf.
Wat nou, wou hy n ” koue oorlog ” begin
We wish!!
Wicus, Lou – baie skerp!