[Foto’s] Meisie (8) loop glo erg onder ‘boelies’ deur

Monique die dag nadat sy geval het. Foto: Verskaf

Monique die dag nadat sy geval het. Foto: Verskaf

Die ouers van ʼn 8-jarige laerskoolmeisie van Germiston aan die Oos-Rand oorweeg dit sterk om ʼn nuwe skool vir hul dogter te soek nadat sy glo reeds ʼn jaar lank erg deur twee of drie meisies by die skool geboelie word en dit Dinsdag na bewering daartoe gelei het dat sy geval en erg seergekry het.

Die ma van die gr. 2-meisie Monique* het Woensdag aan Maroela Media gesê haar dogter ly aan angsversteuring weens die beweerde voortdurende geboelie by die Colin Mann School.

“Sy loop sedert die laaste termyn van 2014, toe sy in gr. 1 was, deur onder ʼn groep van twee of drie meisies by die skool wat haar boelie. Dit het begin deur die meisies wat gedurig haar middagete afgevat het en haar spot oor haar voorkoms,” het Monique se ma gesê.

Sy het gesê die vermeende boelies het glo twee weke gelede vir die eerste keer handgemeen geraak toe Monique in die maag geslaan en sy winduit was.

“Gister [Dinsdag] het een van hulle haar gepootjie. Sy het geval en haar kop hard teen ʼn betonsloot gestamp. Die val het merke gelaat en haar oog is vandag toegeswel.”

Monique se ouers is omstreeks 12:40 deur die skool in kennis gestel dat sy geval het. Hulle het haar na ʼn dokter geneem wat gesê het dit is nie nodig dat sy in ʼn hospitaal opgeneem word nie, maar dat waarneming nodig sal wees.

Monique kort nadat sy geval het. Foto: Verskaf.

Monique kort nadat sy geval het. Foto: Verskaf.

“Monique is vandag terug skool toe, blou oog en al. Sy wil nie agter raak met haar skoolwerk nie en wil ook nie vir die boelies wys dat hulle haar onderkry nie.”

Die ouers was Woensdagoggend vlugtig by die skool en is glo deur die adjunkhoof meegedeel dat Monique na ʼn ander klas geskuif sal word en dat die betrokke meisies nie weer met haar in aanraking mag kom nie.

Marina le Roux, die skoolhoof, het aan Maroela Media gesê sy is bereid om kommentaar te lewer in oorleg met die Gautengse departement van onderwys, maar andersins nie.

Phumla Sekhonyane, woordvoerder van die departement van onderwys, het aan Maroela Media gesê die departement beskou die aantygings in ʼn ernstige lig. “Ons het ʼn navraag oor die aangeleentheid aan die skool gerig en onderneem om volle kommentaar te lewer sodra ons terugvoer kry,” het sy gesê.

* Monique word as ‘n skuilnaam gebruik uit vrees vir verdere viktimisasie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

120 Kommentare

jongste oudste gewildste
Tascha

Mense kan maar sê wat hulle wil maar as my kind so gelyk het nadat ek herhaaldelike kere vir die skool hoof laat weet het dat my kind geboelie word kan sy maar weet ek gaan haar persoonlik ‘n paar baie warme klappe toedien. Nee, geweld maak dalk nie alles reg nie maar liewe genade hoeveel bewyse wil hulle dan nog hê dat die kind ly? Mev, as ek jy is dagvaar ek hierdie skool en die onderwys departement vir nalatigheid want hoe die duiwel laat onderwysers dit toe sonder om te blik of te bloos? Sies man! Daai 3… Lees meer »

bea

Vir wat haar in die ander skool sit, kan die onderwysers en die hoof nie hull oe oopmaak en die ander wat so boelie skors uit die skool nie, hulle het geen reg om so iets te doen..hulle het my dogter ook geboelie to sy keiner was en ek het die ander kinders n lekker pak gegee en ek sal dit steeds doen, die ding dat jy nie n kind kan slaan is sommer kak dis hoekom hulle so raak geen maniere het. En die ouers wie hulle kinders toelaat om weg te kom met dit moet ook sommer n… Lees meer »

heksie

Daai boelies kan bitter bly wees dis nie my kind nie – bogger die hoof; ek sal hul persoonlik gaan regsien! EN SEKER MAAK HUL WORD GESKORS OF ONDERWYS DEPARTEMENT HIER KOM EK!! Wys jou maar net hoe word party kinders grootgemaak ne? voornemende “washouts” vir die samelewing!

kayla

Ek persoonlik dink dat daai ouers van daai meisies wat “Monique” so erg boelie in kennis gestel word,hoop hulle is al en dat hulle ouers hulle ‘n les of twee sal leer!!..Ouers moes al lankal hulle kinders maniere geleer het!!!..Weet nie wat word van ons kleinkinders van vandag nie!!dis vreeslik!!

sandra

As my kinders die boelie was het hulle boude verseker gebrand. Ek hoop die ouers van hierdie boelies word ook in kennis gestel en hulle doen iets daar omtrent.