[Foto’s] Minstens vier dood in Pta-Oos-brand

Die brand in Plastic View op 2 Julie 2016 (Foto: Netcare 911)

Die brand in Plastic View op 2 Julie 2016 (Foto: Netcare 911)

Minstens vier persone is dood toe honderde plakkershutte Saterdagaand omstreeks middernag in Plastic View naby die Woodlands Mall in Pretoria-Oos afgebrand het.

“Talle persone het beserings opgedoen en is na verskeie hospitale in die gebied geneem,” het Athlenda Mathe, woordvoerder van Netcare 911, gesê. “Owerhede is op die toneel op soek na nog oorlewendes of liggame.”

Mathe het gesê die persone wat dakloos gelaat is, het skuiling gekry by ʼn plaaslike kerk.

“Brandbestryders het meer as drie ure lank gespook om die brand onder beheer te bring,” het sy bygevoeg.

Die oorsaak van die brand is nog nie bekend nie. Owerhede stel ondersoek in.

Len Dekker, ʼn inwoner van Meadow Glen in Moreletapark, het aan Maroela Media gesê dit was vermoedelik ʼn grasbrand wat deur ʼn sterk wind aangedyf is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
john samuel

Almal uitlanders wat daar plak. Was al n uitsettings bevel teen hulle gekry – hulle plak op n Begrafplaas – wat een of liberale toe ter syde gestel gekry het. Misdaad vanuit daardie area is baie hoog – verder gaan ek nie kommentaar lewer nie…

TALITA

Ag nee mens. Dis steeds mense. Is daar n nr wat ek kan kontak sodat ons kan help met komberse klere watookal. Asb ek ken n groep dames wat sal help.

Grap

Daardie plakkers kamp se buitelandse inwoners is die hoof oorsaak vir die toename van misdaad in daardie gebied en wat hartseer is hulle word bygestaan deur die Moreleta park NG kerk terwyl daar baie Suid-Afrikaners is wat krepeer sonder hulp.

charmaine

Alweer die blankes wat wil help. Hou op kruip by die mense. Stem saam Koos, Talita klim in jou kar en kom laai die komberse in Danville se ouetehuise af.

Irene

Waar is eff vir sy mense hy soek nou stemme be wittes