[Foto’s] MK-veterane beskerm Luthuli-huis

Foto: Siphelele Dludla/ANA

Lede van die veteranevereniging van Umkhonto weSizwe het Vrydagoggend na Luthuli-huis in die Johannesburgse middestad opgeruk in reaksie op die DA se betoging teen pres. Jacob Zuma.

Nagenoeg 200 veterane het in militêre drag voor Luthuli-huis begin patrolleer en struggle-liedere gesing. Hulle is glo met busse aangery van so ver as KwaZulu-Natal. Die veteranevereniging in dié provinsie was baie uitgesproke oor die beplande optog deur die DA en het gesê dat hulle 600 van hul lede sal ontplooi in ʼn poging om Luthuli-huis te beskerm.

Die DA het intussen gesê dat die beplande optog nié by Luthuli-huis sal eindig nie, maar wel op die Mary Fitzgerald-plein.

Die optog is gereël ná wydverspreide ontevredenheid oor verlede week se kabinetskommeling waarin Pravin Gordhan, voormalige minister van finansies, en Mcebisi Jonas, sy adjunk, afgedank is. Die kredietgraderingsagentskap Standard & Poor’s het Maandagaand aangekondig dat hy Suid-Afrika na rommelstatus afgegradeer het.

Verskeie ander optogte word ook landswyd beplan in Pretoria, ander dele van Johannesburg en die Wes-Kaap.

Intussen het honderde betogers vroegoggend al opgeruk in Beyers Naudé-rylaan in Johannesburg om ook Zuma se kop te eis. Chris Chameleon, bekende sanger, is ook by dié betoging en het foto’s op sy Twitter-profiel gedeel. Van die slagspreuke op plakkate lui “Zuma must fall” en “Save SA”.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

57 Kommentare

jongste oudste gewildste
Johan

As please…….. wat wil julle drommels tog beskerm….niemand gaan soentoe loop nie…..dom verby

Jelly

Hehehehehe en toe beskerm hulle LUTHULI huis en toe daag daar niemand op nie. Het hulle nie nuus gekyk nie? Die optogte se rigting het verander. Shame, met beperkte breinkrag en ‘n gebreinspoelde militere mind, kom julle ook nie ver nie. Met busse aangery en STRUGGLE liedjies gesing? Gedog Apartheid is verby, wat het die STRUGGLE nou met enigiets uit te waai, daar is ook swartes en ander ANC ondersteuners wat ZUMA TEENSTAAN, hoekom struggle liedjies sing of is dit al wat julle kan ONTHOU? Niks nuuts geleer nie? PATETIES soos altyd.

anoniem

HAHAHA ja Johan ek stem
Seker die suurstof binne……hehehehe

Helene

Lag ek nou vir Jelly se kommentaar,,, ek stem saam!

Pietman

Karwagte in kamo……… lyk maar jonk vir veterane.