[Foto’s] Motorfietsryer sterf in botsing

Die motorfiets se wrak. Foto: Netcare 911

ʼn 56-jarige motorfietsryer is Dinsdagmiddag in ʼn botsing in Krugersdorp aan die Wes-Rand dood.

Nick Dollman, woordvoerder van Netcare 911, het gesê die botsing het omstreeks 14:00 op die R28 by die aansluiting van Viljoenweg plaasgevind.

“Met paramedici se aankoms op die toneel is daar bevind dat die motorfiets en ʼn motor gebots het. Die motorfiets het die motor teen die kant getref. Die bestuurder van die motor was in ʼn stabiele toestand en is met ʼn ambulans na ʼn nabygeleë hospitaal geneem,” het Dollman gesê.

Die motorfietsryer is in ʼn kritieke toestand aangetref. Paramedici het dadelik noodhulp begin toepas, maar ondanks volgehoue pogings het hy aan sy beserings beswyk. Hy is op die toneel dood verklaar.

Die presiese oorsaak van die ongeluk is onbekend en word deur die polisie ondersoek.

Die motor se wrak. Foto: Netcare 911

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
Uvonka

Indien dit in Krugersdorp gebeur het, is dit die Wes-Rand. Baie tragies!

Marnus Strydom

Sover ek weet is Krugersdorp nie aan die Oos-Rand nie

Pamela Woest

Ek bly in die oos rand, en nee, Krugersdorp is baie ver ons af. Sterkte aan die oorledene se gesin asook bestuurder van die kar.

Michael

Voertuig bestuurders moet meer oplettend wees jy het nog ‘n kans in jou kar maar die motorfiets bestuurder het geen kans en jou nalatigheid kan sy dood veroorsaak

Alice S

You will be missed! Strength to your family and loved ones!