[Foto’s] N3 gesluit ná noodlottige botsing

Die motor en vragmotor wat gebots het. Foto: Via @NelioDeSa op Twitter.

Die motor en vragmotor wat gebots het. Foto: Via @NelioDeSa op Twitter.

Te midde van swaar vakansieverkeer op die land se paaie is ʼn gedeelte van die N3-snelweg Vrydagoggend vir verkeer gesluit ná ʼn noodlottige botsing buite Harrismith in die Vrystaat.

Athlenda Mathe, woordvoerder van Netcare 911, het gesê ʼn vragmotor en ʼn motor het omstreeks 08:00 naby Montrose gebots waarna albei voertuie aan die brand geslaan het.

“Daar word verneem dat ʼn onbekende aantal mense in die motor en in die vragmotor in die brandende voertuie vasgekeer is. Die brandweer en paramedici is op die toneel,” het sy gesê.

Die brandweer het teen 08:30 steeds gepoog nog om die brand onder bedwang te bring.

Dit is nog nie bekend hoeveel mense in die ongeluk betrokke was en wat aanleiding tot die ongeluk gegee het nie.

Die gebied is heeltemal vir verkeer gesluit en verkeer word deur die dorpie Swinburne herlei.

Die N3-Tolkonsessie het gewaarsku dat verkeer in die omgewing erg vertraag word. Die pad is in albei rigtings vir verkeer gesluit. Die konsessie het motoriste aangeraai om beplande reise uit te stel aangesien daar geen aanduiding is hoe lank die pad gesluit gaan wees nie. Klik hier vir opdaterings oor die padsluiting op die konsessie se Twitter-profiel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
Irah

Inige simpatie aan familie. Kerstyd is nie versonderstel om ń hartseer tyd te wees nie.

GP

Innige simpatie vir die mense en hul geliefdes.

Connie

Dis vreeslik. Ek voel so jammer vir die mense.

Frans

Al troke moet af die tyd as skole sluit en di nawek vor kersfees en waner mense trg gaan huis toe

Arno

Wat gaan aan op ons paaie? Ek is al te bang om iewers heen te ry…