[Foto’s] Nege sterf in gru-botsing

Die taxi en vragmotor se wrakke. Foto: Verskaf

Nege mense is Dinsdagoggend in ʼn gru-botsing in Limpopo dood.

Lt.kol. Moatshe Ngoepe, provinsiale polisiewoordvoerder, het gesê die botsing het omstreeks 07:00 op die R579 tussen Lebowakgomo en Jane Furse plaasgevind.

“ʼn Minibustaxi en ʼn vragmotor het reg van voor gebots. Altesaam nege mense is op die toneel dood en sewe het ernstige besering opgedoen en is na ʼn nabygeleë hospitaal geneem vir mediese behandeling,” het Ngoepe gesê.

Volgens Ngoepe is die oorledenes ses mans en drie vroue wat in die taxi was. Die taxi was van Ga-Masemola op pad na Lebowakgomo toe die botsing plaasgevind het.

Die insittendes van die vragmotor het geringe besering opgedoen.

“Die oorsaak van die botsing is nie in dié stadium bekend nie en word ondersoek.”

Die polisie ondersoek ʼn saak van strafbare manslag.

Die taxi en vragmotor se wrakke. Foto: Verskaf

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

28 Kommentare

jongste oudste gewildste
Amanda

Nege dood en sewe beseer… was daar 16 in die bussie?

Wonder

Tel ek reg??….9 dood….7 beseer….16 in totaal in die taxi…..en waar is die wetstoepassers?? As wette nie toegepas word nie….wat verwag jy??

louis

Ja en so saai die taxis net verwoesting op ons paaie en daar word net n blinde oog gegooi na hul deur die wetstoepassers.

Penellope Jones

Nege lewens sommer net so weg!

AWes

Gaan my verstand te bowe dat die oorsaak v die ongeluk nooit bekend is nie.
Ek ry baie. Kar moet elke 2 na 3 maande vir ‘n diens gaan.
Kom ry ‘n dag saam my en jy sal weet wat 9 tiendes van die ongelukke se oorsaak is.
Blinde hoogtes en soliede strepe beteken niks.